الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» نحتاج لاسعار صيانه لكزس LS460 موديل14-16

قبل 3 شهر
آخر تحديث قبل 6 ساعه و 53 دقيقه
#46310069
ممكن تعطونا اسعار الصيانه حقت اللكزس LS460 لارج او شورت في الوكاله او غيرها

وش الاشياء اللي يغيرونها

السياره لكزس LS460L - LS460

موديلات 2014 - 2016

بالله لايتكلم الا اللي مجرب ومسوي هالصيانات يعني اللي يخمن ويتوقع مانبيه الله يجزاكم خير

واعذرونا

شكرا لكم

نحتاج لاسعار صيانه لكزس LS460 موديل14-16
وسيلة الإتصال :
بدون


  LS

  LS 2014

  لكزس



إحذر من التعامل غير المباشر.
إستخدم القائمة السوداء قبل أي عملية تحويل
››   faisal_k_k_
›› 21
››   قبل 3 شهر
تقدر تروح الوكاله وتستفسر ع اسعار الصيانه من ١٠٠٠ الى٢٠٠ الف
››   ماجد 85
›› 22
››   قبل 2 شهر و 4 أسبوع
معليش احب اعلق على موضوع الصيانه بحساب المده الزمنيه والصيانه بحساب المسافه المقطوعه.

يقع الكثير ويمكن نسبتهم 70٪ من اللي قابلتهم او سمعت عنهم او قرأت لهم تعليقات يقول مثلاً انه اخر مره غير زيت القير قبل ستة شهور ! او ان البواجي غيرها قبل سنه !
جدول الصيانه دائماً يذكر الزمن والمسافه ، الزمن للسيارات شبه متوقفة يعني استخدامها قليل جداً، يعني لو سيارة تحركت في السنه 10 مرات بمسافات قصيره ولم تقطع سواء 5٫000 كيلومتر فهذا ينطبق عليها الجدول الزمني ، وللمعلوميه الوكالات او بالاصح المهندس الصاحي في قسم صيانة السيارات يمشي على هذا المبدء لو جته سياره عمرها 7 سنين وماشيه 30 الف يسوون لها صيانة المده الزمنيه وممكن يطلع بالمسافه صيانة الـ150 الف مثلاً.

اخر مره احد الشباب في صيانة لكزس يقول جتنا لكزس 460 موديل2010 تقريباً ماشيه 18 الف جديده ولم تستهلك فحسبنا المده الزمنيه التقريبيه وسوينا لها صيانة 100 الف تقريباً او اكثر، ليش ؟ لان السوائل بعد ماتوضع في المحركات وتتحرك وتختلط بالرايش لها عمر معين لابد ان ينتهي ، اكيد تسمعون ان في سيارات واقفه لها سنتين والزيت تحول الى ماده ثقيله مثل الشحم.

فانتبوا يا اخوان كثير من المشاكل سببها هذا الموضوع ودايم ناس تخبط قيور سياراتهم بسبب انه يقول اخر مره غيرت زيت القير قبل 10 شهور وتلقاه مشى على الزيت 100 الف راعي دوران وفرفره !
لا غلط.

وبالنسبه لحساب المسافه بالكيلو اذا كانت السياره معقولة الحركه فالالتزام بجدول الصيانه شيء راح يكون شيء مثالي ، لكن في جوانب مؤثره مثل السوائل في منطقه حاره وصحراويه من الافضل انك تغيرها في مسافه اقل من المدون في الجدول.
مثال اخر السيارات اللي تعيش في اماكن لايعرفها الغبار تجد فلتر هواء المكينه يعيش فتره طويله جداً اكثر من مثلاً منطقة الرياض او مثلاً الاشخاص اللي بالعامه "رجله حاره" يستهلك الزيوت ممكن في خلال مسافه قليله جداً بمعدل ربع المسافه المدونه.

فأنتبهوا ونبهوا احبابكم واسف على الإطالة.
››   moonlight_2009
›› 23
››   قبل 2 شهر و 4 أسبوع
السلام عليكم يالربع اتحفتونا بأرائكم واستفدت من تعليقاتكم

أنا كان عندي GS 430 لكنه شويه قاسي بما انها سياره رياضيه وناوي الان على LS 460 وحاب استفسر عن فرق الراحه

كيف استهلاكه للبانزين مقارنه ب GS
وصيانته مقارنه ب GS هل أسعار القطع متقاربه

ولكم جزيل الشكر
››   moonlight_2009
›› 24
››   قبل 2 شهر و 4 أسبوع
ولا تنصحون ب ES
››   ماجد 85
›› 25
››   قبل 2 شهر و 4 أسبوع
هلا اخوي moonligth , بالنسبه لسيارات لكزس وتايوتا اكثرها ماتستهلك بنزين عالي ماعدا بعض السيارات منها مثل الجيوب.

• بالنسبه لـ460 فانت ماذكرت الموديل ، لكن اذا عموما هو مريح وعزله ممتاز واذا تتكلم عن موديلات من 2013 فما فوق فمساعداته هيدلوريك وماني متأكد من موديلات 2007 الى 2012 وش نوع مساعداته بالضبط، لكن لاتخاف من مستوى الراحه ، بالنسبه لصرفية الوقود فهو جداً مناسب اعتقد اذا كانت المكينه نظيفه والسياره ماتشكو من شيء وقيادتك معقولة فيمشيك التانكي من 500 الى 700 تقريباً حسب سواقتك.
بالنسبه لقطع الغيار فلابد من وجود بعض القطع الغاليه كسياره مثل لكزس لكن كعيوب فهي تعتبر قليله جداً وخاصه هناك عيب واحد كان موجود في 460 من 2007 الى 2010-2012 تقريباً في سستم الصوت او الامبلي فاير وكان يخرب وحلوها في 2013 هذا اللي انا متأكد 100٪ منه ولم يذكر اي احد عيب فيها طبعاً مافي لكزس مرت على الوكاله افضل من LS430 بشهادة الوكيل.

• بالنسبه لكزس ES250-350 اولاً دفع امامي وتجي 4 سلندر او 6 سلندر وفي نوع هايبرد لكن سياره جميله جداً جداً يعني من السيارات اللي تلبي جميع طلبات المستهلك وانا سبق ان حربت قيادتها لمسافة 800 كيلو وكانت تجربه جميله وسبق ان جربتها داخل المدينه وجميله جداً جداً، صرفيتها للبنزين جيده جداً عزلها ممتاز وعزمها ممتاز قيادتها كأنك تقود سياره دفع خلفي والثبات فيها ممتاز وقطع غيارها ليست غاليه جداً، السياره من النهايه كأنك راكب كامري او افلون بماركة لكزس، والـ6 سلندر منها نفس محركات الافلون بالضبط.

والان الحكم في الموضوع :
اولاً حسب امكانيتك الماديه.
ثانياً هل تفضل الدفع الخلفي او الدفع الامامي يدخل في الموضوع المكينه الطوليه او العرضيه.

*العيب المشترك في سيارات لكزس هو الفحمات استهلاكها سريع تقريباً اذا كان استخدامك للفرامل ممتاز وقيادتك هادئه غالباً تغيرها كل 25 الف تقريباً واحتمال اقل.

ولاتنسى في احصائيه قبل ثلاث سنين تقريباً عن اقل السيارات اعطالاً فتصدرت سيارات لكزس وتايوتا المرتبه الاولى في اقل السيارات اعطالاً على مستوى العالم.
››   moonlight_2009
›› 26
››   قبل 2 شهر و 4 أسبوع
اخوي ماجد كفيت ووفيت بالشرح المفصل وجزاك الله ﷻ كل خير ،،،
بالنسبه للموديل اذا باخذ من 2014 وفوق باذن الله ﷻ
فحبيت اسمع من تجاربكم للسياره
بخصوص قطع الغيار لو كانت اغلى من بعض السيارات بنسبه بسيطه لكن تبقى قويه ،،،
وبما انك جربت ES و LS هل هناك فرق شاسع في استهلاك البانزين وهل الوضعيه الاقتصاديه في LS تقلل كثير من استهلاك البانزين؟؟

هل LS460 تجي فئات وايش افضل فئه فيها
››   ماجد 85
›› 27
››   قبل 2 شهر و 4 أسبوع
الله يجزاك خير على دعائك لي يالحبيب.

في الصرفيه الـes طبعاً افضل بحكم الحجم والوزن والمحرك وفي اسعار القطع اكيد هي ارخص من LS
بالنسبه للLS صحيح محركها 8 سلندر ووزنها اعلى شوي وجنطها 19 لكن اللي يساعد على تقليل استهلاك الوقود هو ان القير 8 سرعات ومتكيف مع قيادتك وناعم جداً وماتشعر في تغييراته.
ونظام الـECO اكيد بيفرق في الصرفيه وان اخوك.
لكن صرفيته معقوله جداً التانكي حقه سعته تقريباً 80 لتر علو الفاضي ولو بتعبيه من الفاضي مره الى الفل بـ180 ويمشيك 500_600 حسب ظروف القياده، لكن عموماً انت ماراح تعبيه اذا صفر العداد عشان لايوصخ البخاخ عليك والصحيح انك بتعبي من الربع للفل يعني تقريباً اذا عبيت من الربع للفل بتعبي 60 لتر او70لتر يعني بـ130-150.

اتوقع معقوله جداً واذا تبي تشوف الاستهلاك العالي على ارض الواقع روح لسيارات نيسان اقسم بالله ان عمال محطات البنزين راح تمون عليهم من كثر ما توقف عندهم هههههههه.

لاتتردد ولو سمحت لك الظروف خلك على 460 اشوفه خيار ممتاز دامه من 2013 وفوق
واذا اقبلت على لكزس اي اس ما راح تندم ايضاً.

الله يوفقك فيما فيه خيراً لك،
››   hae2009
›› 28
››   قبل 2 شهر و 4 أسبوع
سلام عليكم اخوي ماجد
مشكور ع المعلومات المفيدة ونقل تجربتك لنا
انا كذلك مقبل على شراء لكزس ls460 2014

بحكم تجربتك كيف أسعار القطع الاستهلاكية و اسعار صيانتها ؟!
ويعطيك الف عافيه اخوي ماجد
››   ماجد 85
›› 29
››   قبل 2 شهر و 4 أسبوع
بالنسبه لاسعار القطع مثلاً المساعدات غاليه الواحد تقريباً 2500 ريال عشانه هيدروليك
الفرامل بالنسبه للفحمات الطقم تقريباً 900 ريال والبواجي تقريباً بـ700 ريال 8 حبات
هذا اللي اتذكره للامانه ولكن صيانات الوكاله بالنسبه لل460 لم اجربها.
المشكله السياره ماجلست معي فتره طويله لانها لأحد الأصدقاء فخدمته في صيانة هذه الاشياء بحكم سفره لكن انا مقبل على وحده مثلها ان شاء الله
انا احد سيارتي 430 LS ولها فتره طويله معي وكانت صيانتها متقاربه الـGS في القطع والصيانه.
››   ماجد 85
›› 30
››   قبل 2 شهر و 4 أسبوع
طبعاً فلتر الهواء حق 460 يجي فلترين بمين ويسار الواحد اتذكر انه من 100 الى 120
››   0540707015
›› 31
››   قبل 2 شهر و 4 أسبوع
الله يعطيك العافيه ياماجد
وش اقل بنزين نعبيه
يعني هل ينفع معها ٩١
››   ماجد 85
›› 32
››   قبل 2 شهر و 4 أسبوع
الله يعافيك يالغالي
صرحةً انا افضل 95 في اي سيارة لان احتراقه افضل واذا كان احتراقه افضل مايحتاج يضخ كميه اكثر مثل 91 ويسبب برود في العزم.

واللكزس فئة LS مناسب لها 95.

عموما اي سياره اذا ماعندك الكتاب حقها ولا تعرف ايش تعبي افتح غطاء التانكي وناظر من داخل الغطاء الحدد "البودي" اذا لقيت مكتوب عليه هذي الكتابه فلايقبل اقل من 95 اوكتان
PREMIUM UNLEADED FUELONLY

واذا مالقيت مكتوب كلمة PREMIUM فأنت مخير بين 91 او 95
››   يبطون3   محظور
›› 33
››   قبل 2 شهر و 3 أسبوع
اخوي ماجد كفيت ووفيت
››   ماجد 85
›› 34
››   قبل 2 شهر و 3 أسبوع
جزاك الله خير اخوي
››   hae2009
›› 35
››   قبل 2 شهر و 3 أسبوع
مشكوور جدن اخوي ماجد
وربي يعطيك الف عافية
››   moonlight_2009
›› 36
››   قبل 2 شهر و 3 أسبوع
بيض الله وجهك أخوي ماجد على الشرح والإفاده
››   ماجد 85
›› 37
››   قبل 2 شهر و 3 أسبوع
العفو منك اخوي hae2009 والله يعافيك
ووجهك ابيض اخوي moonlight_2009
››   0540707015
›› 38
››   قبل 2 شهر و 3 أسبوع
شكرا ياشيخ ماجد
››   ماجد 85
›› 39
››   قبل 2 شهر و 3 أسبوع
العفو منك يالامير
››   ifrx2
›› 40
››   قبل 2 شهر و 3 أسبوع
مكلفة جداً والسياره حساسه ما انصحك الا اذا بتدفع صح
››   moonlight_2009
›› 41
››   قبل 2 شهر و 3 أسبوع
مرحبا أخوي ifrx2
هل انت مجرب السياره ؟ وكم الموديل اللي مجربه وكم استخدمته؟
ولا مجرد سمعت عن السياره ؟
››   top741
›› 42
››   قبل شهر و 3 أسبوع
متابع
››   كحيلات 666
›› 43
››   قبل شهر و أسبوع
من اجمل السيارات طلعناها وكاله وعطل فيها شي الدفعه الاولى ٢٠٠٧ فيها عيب مصنعي نص المكينه انفكت والبخاخات غيروها اكثر من مره لكن عطونا ضمان عليها مدى الحياه المكينه بسبب تغييرهم لنصها عشان كذا ابعدو عن ٢٠٠٧ و٢٠٠٨ وطبعا مافي اجمل من ٤٣٠ مستحيل يعني لو تلاقي مخزنه وصيانات وكاله توكل على الله واشتري
››   n.z17
›› 44
››   قبل شهر
والله ياخوي شف
معي لكزس Ls460 2014 شورت
ماشيه 200 الف
واستخدامي لها جداً قاسي
كيف يعني قاسي ؟
يعني ادعس عليه و ادرفت عليه
ولا عانيت منها بشي
ما عدا المساعدات
كل شهر خارب علي واحد
المساعد تاخذه من التشليح ب ٤٠٠ ريال
هذا فقط الي عانيت منه
الزيوت ، غير زيت لكزس نفسه
تشتريه من الجمله ب 32 ريال العلبه الوحده
والموتر ياخذ ٨.٥
وبنسبه لزيت القير ، ماشي عليه الان ٢٠٠ الف وبصراحه ما غيرته
كلمت الوكالة قالوا زيت القير يتغير كل ٦٠ الف وبالكثير ٧٠ الف
وتكلفه التغير شغل يد ٣٤٠٠ ريال شغل يد وبرمجة فقط
وبالنسبه للصرفيه
فيه ٣ وضعيات
Normal صرفيته عاديه جداً تمشيك ٦٠٠ كيلو
ECO هذا ٧٠٪؜ من عز الموتر يطيح لدرجه حتى الاكسنت تروح عليك
وتمشيك تقريباً ٧٥٠-٨٠٠ كيلو
SPORT هنا عزم الموتر كاامل يطلع و النمر تنحشر واستجابة الدعسه فورية
تمشيك ٦٠٠ كيلو بدون تدعيس ، مع تدعيس ٤٠٠ بالكثير
و توني مسوي له صيانه نافظه نفض
مساعدات مقصات اذرعه هوبات فحمات
كلفتني مبلغ قوي اشوي
واتمنى اني فدتكم
››   n.z17
›› 45
››   قبل شهر
و نسيت اذكر
البنزين الاساسي 95
صار لي سنتين اعبي ٩١ و الوضع عادي
و الصرفيه الي قلتها على بنزين 91
صرفيه بنزين ٩٥ تمشيك ١٠٠٠ كيلو زي السلام عليكم
عبيتها فل ٩٥ في الرياض و وصلتني الى دبي
فلها ٩١ ١٠٢ اذا التانكي فاضي
فلها ٩٥ ، ١٥٣
ولا تعبي ٩٥ الا على الخطوط
يمشيك ١٠٠٠ كيلو
››   0540707015
›› 46
››   قبل شهر
›› n.z17
شكرا يالغالي معلوماتك قيمه جدا
››   ifrx2
›› 47
››   قبل شهر
نفس ماقال الي بعدي المساعدات غيرتها بعد ماكليت مطب قوي كلفتني مبلغ كبير بس حليوه والله، بشر شريت ولا
››   قبل 3 أسبوع و 6 يوم
يوجد لدينا ورشة صيانة
››   0540707015
›› 49
››   قبل 3 أسبوع
شكرا
››   0540707015
›› 50
››   قبل 3 أسبوع
كم اسعار المساعدات وتركيبها

يجب عليك تسجيل الدخول حتى تتمكن من إضافة رد.