الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» شراء سوبر سفاري من الإمارات

قبل 4 شهر و 3 أسبوع
آخر تحديث قبل 4 شهر
#40711291
تحية طيبة
هل يمكن شراء باترول سوبر سفاري من الإمارات وماهي الإجراءات اللازمة من الجمارك؟

شراء سوبر سفاري من الإمارات
هذا الإعلان قديم وتم إزالة رقم الجوال
بالامكان مراسلة المعلن عبر الرسائل الخاصة.
2 عضو ينصحون بالتعامل.


››   ksa ja
›› 1
››   قبل 4 شهر و 3 أسبوع
ليش تشري من الإمارات تراها ما تفرق في المواصفات؟!
››   helal svt
›› 2
››   قبل 4 شهر و 3 أسبوع
موديل ٢٠١٤ يمكن يدخل و يمكن لا .
٨ سلندر ما يدخل بتاتا .
____________________________________

احسب حساب الضريبه : ١٥% من سعر السياره.
٥% من سعر السياره للأمارات
٥% من سعر السياره للجمارك
٥% من سعر السياره للسعوديه
هذا اللي اقدر افيدك به

››   wtwt
›› 3
››   قبل 4 شهر و 3 أسبوع
Ksa ja لأن الأسعار هنا نصب ومبالغ فيها
››   wtwt
›› 4
››   قبل 4 شهر و 3 أسبوع
Helal svt
الموديل 2017 ماشي 10000 هل ينطبق عليه نفس الشروط ويدخل السعودية؟
››   ksa ja
›› 5
››   قبل 4 شهر و 3 أسبوع
طيب في الإمارات سعره حوالي ١٩٠ الف درهم هذا غير التأمين الي يمكن يكلفك ٣٠٠٠ او ٤٠٠٠ درهم وغيرها كثير راح تتعب نفسك على الفاظي
››   wtwt
›› 6
››   قبل 4 شهر و 3 أسبوع
Ksa ja
حصلته بـ 125000 عن طريق واحد ممشاه 10000 إذا عادي يدخل السعودية بروح اشتريه لأن سعره بالسعودية عالي والفرق كبير
››   helal svt
›› 7
››   قبل 4 شهر و 3 أسبوع
٨ سلندر ما يدخل بغض النظر عن سنة الصنع

اجمالي الضريبه ١٥%
غير التأمين الاماراتي + السعودي
واصدار لوحات + اصدار استماره + هيئة المواصفات و المقاييس + الفحص الدوري

===================
تقريبا تطلع عليك زي هنا
››   helal svt
›› 8
››   قبل 4 شهر و 3 أسبوع
شوف موقع الجمارك السعوديه وأسألهم واخذ منهم العلم الاكيد .
يمكن تغيرت شروطهم للإستيراد
››   abu joan
›› 9
››   قبل 4 شهر و 3 أسبوع
اذا ماهو زيرو اتوقع مايدخل السعوديه الا بلوحات اماراتيه
››   naif1662
›› 10
››   قبل 4 شهر و 3 أسبوع
كلمت المواصفات وقالو الفتك جديد يدخل مستعمل لا
››   مطهر مانع
›› 11
››   قبل 4 شهر و 3 أسبوع
وطواط كلامك صحيح ايه هنا نصب واحتيال بالاسعار ومبالغ فيها
››   برقالسحاب
›› 12
››   قبل 4 شهر و 3 أسبوع
الباترول الفتك ما يدخل بجميع انواعه ( شاص - ربع - اربع أبواب ) القير عادي والتماتيك نهائيا لا أصفار ولا ماشي اقل من ١٠٠٠يدخل فقط ( اف جي - تاهو الي ماهو الفل يعني مثل الدينالي ما يدخل - وجميع السيارات الصغيرة اربع سرندل تدخل) يعني باختصار الجيوب الي عليها الكلام مثل نيسان وتويوتا ولكزس ما
باختصار دور مستعمل نظيف هنا أفضل وأحسن وارخص وأضمن
نصيحة اخو وبالتوفيق
››   abu joan
›› 13
››   قبل 4 شهر و 3 أسبوع
الزيرو اي سياره تدخل
››   أبو قاسم ..
›› 14
››   قبل 4 شهر و 3 أسبوع
helal
برق الحساب

يا اخوان لا أحد يفتي من راسه وهو مايدري وش النظام عجباً لأمركم !!!

من قال أن السيارات ال8 سلندر جميعها ماتدخل ؟ على سبيل المثال التاهو ستاندر 2015 8 سلندر يدخل السعودية

فيه موقع خاص لكفاءة الطاقة السعودية يبين لك السيارة تدخل او لا وهذا الرابط حقهم ( https://www.sls.gov.sa/Pages/ar/Consumer/UsedVechiclesDetail.aspx ) ادخل بنفسك و ادخل معلومات السيارة ويظهر لك ( مطابق ، غير مطابق ) هذا بالنسبة للمستعمل ، اما الجديد فهو يدخل بجميع انواعه حتى لو هو 12 سلندر ، وبالنسبة للجديد اذا كان خليجي تدفع عليه رسوم جمركية للسعودية فقط + وتدفع ضريبة بالامارات ويسوون لك مقاصة وماتدفع ضريبة للسعودية واذا كان من منطقة حرة تدفع عليه بالسعودية رسوم جمركية وضريبة ( 5٪ + 5٪ )
إن كان صواباً فمن الله و إن كان خطئاً فمني ومن الشيطان
››   alkaabi2010
›› 15
››   قبل 4 شهر و 3 أسبوع
الي يبغا باترول سفاري او سوير سفاري يتواصل معاي. موجد عندي فالامارات.
››   قبل 4 شهر و 3 أسبوع
باترول مايدخل السعوديه الا جديد او موديل السنه وماشي اقل من الف والسبب قرار هيئة الطاقه انه يصرف بنزين ولكن من عند الوكيل مايصرف بنزين والا وش سالفة هالقرار ؟؟!!
انا رحت للامارات وماقدرت اخذه وشريت لاند كروزر سته سلندر وتورطت لأنه قير عادي وممنوع القير العادي لاند كروزر ومسموح الاوتوماتيك ؟؟؟!!!!
ولكن يسر الله ومشى الموتر وما انتبهوا انه عادي
››   al-ramee
›› 17
››   قبل 4 شهر و 2 أسبوع
قبل ٦ شهور تقريبا شاري فتك ربع سوبر سفاري ومصدره للسعوديه من دبي اول شي تختار الموتر وتخلي المعرض يرسل لك فاتوره بالمبلغ عشان تقدر تحول المبلغ كامل والمعرض اللي تعاملت انا معه قيمة الشحن واصله لعندي مشموله بالقيمه بعد ما حولت المبلغ عن طريق حوالات الراجحي جهزوا اوراق التصدير وتواصلت مع البسامي بدبي واستقبلوا السياره بعدها اذا وصل الجمارك يتصل عليك معقب البسامي ويقول لك قيمة الضريبه كذا وتحول المبلغ للجمارك السعوديه عن طريق الصراف وتنتهي السالفه وتنتظر وصول سيارتك لعندك وتستلمها وتتوجه لمعرض وتسقط لوحاتك عليها
››   al-ramee
›› 18
››   قبل 4 شهر و 2 أسبوع
تاكيد وتوضيح الاجراءات اللي ذكرتها كان الموتر جديد مو مستعمل
››   d.alaa
›› 19
››   قبل 4 شهر
Al-ramee
السلام عليكم حبيت استفسر منك بخصوص السعر هل فيه فرق كبير بين اسعارنا في السعوديه وفي الامارات بعد ماعدت السياره الجمرك في الاسعار
››   charisma11
›› 20
››   قبل 4 شهر
مافي فرق بالسعر هينا ب 177 بلوكاله وفيه معارض بدبي تبيعه ب 166

يجب عليك تسجيل الدخول حتى تتمكن من إضافة رد.