الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» رايكم لاهنتوا

قبل 4 أسبوع
#43507648
يالربع انا بشتري ماليبو 6 سرندل 2013
بس ابي رايكم فيها بحكم اني بعيد عن اهلي و بمسك خطوط بزياده
رايكم لاهنتوا
وسيلة الإتصال :
أرجو المراسلة عبر الرسائل الخاصة بالموقع

  شيفروليه

  ماليبو

  ماليبو 2013



إحذر من التعامل غير المباشر.
إستخدم القائمة السوداء قبل أي عملية تحويل
›› 1
››   قبل 4 أسبوع
انا جربت 4 سلندر

صراحه روعة وراسيه بالخط وموتر جدا عملي الي معي 2013 واتوقع نفس الشكل الي 2016
›› 2
››   قبل 4 أسبوع
اخذ كامري او لاتطلع عن تيوتا اذا تبي خدمة وجودة
››   m.r.o
›› 3
››   قبل 4 أسبوع
مرسال السعد @
انا باخذ مستعمل وش تشوف في استخدام يومي و مسكت خطوط تشوف الموتر يتحمل او يبي له محافظه
›› 4
››   قبل 4 أسبوع
الي معي ماخذها وكاله والان ماشي 210 ولا شفت منها اي شي اللهم لك الحمد زيت وبنزين
فقط وموتر يتحمل اذا رجلك باردة خطوط مايضر ولكن لابد انك تحافظ
والمستخدم اذا كان ماشي قليل ونظيف مايفرق لكن لا تاخذ مكروفة وماشي كثير لأن ماتدري
››   al-se7s
›› 5
››   قبل 4 أسبوع
م انصحك والله
››   rzh501
›› 6
››   قبل 4 أسبوع
انحش من الامريكي خلك ب الكامري
››   abod186
›› 7
››   قبل 3 أسبوع و 6 يوم
الكامري رساوه وعزل صفر
››   caprice_ss
›› 8
››   قبل 3 أسبوع و 6 يوم
اللي يجيك يقول عزل ورساوه كامري احسن من الماليبو هذا ما عمره ركب سيكل حتى ههههههههه الماليبو افضل سياره في فئتها من قوة ورساوه وعزل وفي الخطوط مرررريحه وقطعها نفس قطع الكامري والسوناتا
›› 9
››   قبل 3 أسبوع و 6 يوم
الكامري نصيحه والله من ازفت السيارات والله لاعزم ولارساوه ولاعزل صوت وكلبزات الصدامات تتفكك رأيي كنت مستخدم
››   m.r.o
›› 10
››   قبل 3 أسبوع و 6 يوم
الله يبيض وجيهكم جميع
››   dgk01
›› 11
››   قبل 3 أسبوع و 5 يوم
بيض الله اعماركم
››   amenram
›› 12
››   قبل 3 أسبوع و 5 يوم
أنا معاي كامري ٢٠١٧ .. واستخدامي الشخصي من الوكالة ..
رأي محايد ويشهد الله بالكلام..
مشيتها ٣٠ الف فقط لغاية اليوم انا ماخذها للتخفف كسيارة دوام ومشاوير لأني من الناس اللي أحب يكون معاي سيارتين .. سواء كبيرة وصغيرة او رياضية وصغيرة .. بحكم اني ابدل من فتره لفتره .. اخذت الكامري بدون تجربة .. ومشيت على السمعة والكلام الفارغ .. بعد تجربة لعدة سيارات .. وثق تماماً اللي يمدح الكامري .. صدقني ماستخدم سيارات غيرها وعرف كم هذه السياره دعاية مسطره ..
..
سيارة غير مريحة بتاتا .. تناقز بالخط بشكل مزعج وغريب .. دخلتها الوكالة مافي فايدة .. شيكت كفرات السياره قد تكون محبلة مافي فايدة ..
كرسي سياره مافي يوم تأقلمت معاه .. خشن ويابس وغير مدروس .. الكراسي الخلفية جيدة جداً مقارنة بالأمامية ..
اصوات ديكور .. من جهة القير والطبلون ..
صوت من الكرسي جنني بشكل مرعب .. دخلتها الوكالة وقالوا مالقينا شيء .. وانا شخص ماني موسوس .. بس الكرسي يطلع صوت مثل السبرنق الخربان .. بالرغم ان وزني طبيعي جداً وماحد يستخدم السياره غيري ..
رجة وتقطيع عند ضغظ البريك مع تنقز غريب وتحس بتنزيل النمر واستهلاك فرامل سريع
عزل سيء جداً ..
قطع الغيار مثل الفلاتر والاقمشة والصيانة اغلى من غيرها .. مقارنة بالمازدا ٦ على سبيل المثال ..
مواصفات بدائية جداً ..
وجودة خامات رديئة من ناحية بوية او ديكور داخلي ..
تكييف السياره مثله مثل باقي سيارات هالوقت .. ماحس انه شيء خارج عن المألوف ..
يشفع لها سعر إعادة البيع .. توفر قطع الغيار .. واستهلاك بنزين جيد جداً .. غيره لو يعود فيني الزمن ماخترت هالسياره لأنها ماتناسبني أمانة
مقارنة باللي جربته .. سياره للمشاوير وانت عيونك عالشارع وتكون شخص غير مبالي .. بشيء اسمه مركبه ..
سيارتي الثانية من شيفروليه .. دخلتها اليوم الوكالة وبتحتاج ٣ ايام .. صرفوا لي سياره بديلة ماليبو استعمال الشركة وممشى نفس سيارتي بالضبط ولاحظ استخدام شركة يعني خلال ٣٠ الف يمكن الف شخص استعملها ..
اول مامشيت بالسياره لاحظت نعومة غريبة وسرعة انطلاقة وسلاسة وتماسك داخلي جميل ..
التكييف يشهد الله انه بارد جداً .. السياره راسية وثابته ودركسون سلس في الحركة
لينة في المطبات وبريكها ممتاز .. عزلها الارضي جيد جداً .. صرف البنزين ماعلم عنه يادوب مشيت فيها ١٠٠ كيلو ومالاحظت غير تحرك شرطة ونصف تقريباً .. العزل الهوائي لاحظته غير جيد بالمره مادري اذا السياره متعرضه لحادث او لا يمكن يكون سبب ..
نظامها الصوتي عادي جداً .. ولكن قياسا بالسعر والمنافسات اشوفها ممتازة وضف على ذلك وجود مواصفاات جيدة جداً .. اللي جذبني لها النعومة والرساوة والتماسك الجيد والسلاسة في الممشى .. مادري عن مدى عملانية السياره ولكن وكلائها أقوياء ولهم حضور سواء الجميح او التوكيلات .. وتوفر الصيانة في كل مكان ..
وهذا واحد من اسباب دخولي للحراج اتطلع على اسعارها بصراحة جازت لي وافكر اخذ لي وحدة اتخفف فيها بما ان سعرها مقدور عليه نسبيا ..
هذا والله اعلم واشهد .. ماعلم عن الموديل القديم ولكن سبق واستأجرت وحدة موديل ٢٠١٦ الشكل القديم في دبي وكانت جميلة برضه وهادئة ولكن كانت سياره جديدة اقل من ١٠٠٠ كيلو وبرضه بنية شوارع دبي .. تخلي اليارس مثل الاس كلاس من نظافة الشارع وترتيبه ..
هذا والله اعلم واشهد .. السياره اللي اتكلم عنها موديل ٢٠١٨ استخدام شركة التأجير التابعة للوكيل
››   mdk1313
›› 13
››   قبل 3 أسبوع و 5 يوم
السلام عليكم
انا جربت الكامري لاول مره ولله العظيم الي يقول انو فيها عزل ورسوها وراحه لا تصدق ولله شوف من ناحيت الكرف تكرف لكن
راحه مافيها ابدا واصوات الديكور مزعجه والصدام بس يتفكك الي قدام والي ورئ رغم اني ماخذها وكاله مشيتها لمن ١٨٠ الف وبعتها علئ طول قبل سنه تقريبا بعتها والحين معايا فورد تورس ولله اني شفت الراحه


الرساوه و الراحه والعزل

ال امريكي ملك الخطوط

ولله يرزقكم ويرزقني يارب
››   m.r.o
›› 14
››   قبل 3 أسبوع و 4 يوم
جزاكم الله خير جميع و لاهنتوا
››   asu_ad44
›› 15
››   قبل 3 أسبوع و 3 يوم
الماليبو روعه صراحه وفخامه واقتصاديه بلبنزيم عندي وحده فل كامل ٢٠٠١٤ مريحه
››   0536626782
›› 16
››   قبل 3 أسبوع و 2 يوم
عندي 2013 مشيت فيها 293 الف السيارة راسيه قوية تتحمل خطوط و لا كأنك مشيت شي صافيه البنزين نفس اليارس مريحة بس غرقت كديتها علي وجهها كل يوم 250 كيلو أسرع فيها إلى 220 أهم شي زيت وكلاتها دكسس 5w 30
›› 17
››   قبل 3 أسبوع و يوم
انا اتنصحوني بل ماليبو اي مديل افضل باخذ من ٢٠١٣ وفوق يقولون مشكلة بل قير وكهرب وانا رجل حاره بصراحه تنفعلي اربعه سلندر طبعا
››   0536626782
›› 18
››   قبل 3 أسبوع و يوم
2016 أحدث و نفس الشكل كهرباء مافيه بس في القير لأن مبرد القير يهرب و يخرب الشريحة القير هذه في 2013
››   dr.law
›› 19
››   قبل 3 أسبوع
اللي ما يغير زيت القير يخرب عليه حافظ ع الصيانات اول باول وتعيش معك السيارة
وما يريحك بالخطوط غير الامريكي
››   ابو سعد 3361
›› 20
››   قبل 2 أسبوع و 6 يوم
كم الفل حق ٤ سلندر و٦سلندر وهل فيه ٨سلندر؟؟؟
››   azoz89
›› 21
››   قبل 2 أسبوع
والله حالياً انا افكر اخذ ماليبو ٢٠١٤ مستعمل تنصحوني ولا خراباتها كثير ؟

يجب عليك تسجيل الدخول حتى تتمكن من إضافة رد.