الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» الي يعاني من سلف الكابرس لقيت الحل

قبل 4 شهر و 2 أسبوع
آخر تحديث قبل 6 يوم و 11 ساعه
#44942708
يااخوان اناكانت عندي مشكله فى سيارتي كابرس 2010 ss مكينه v8 المشكله فى تشغيل السياره واناجاي فيها من مشوار تكون دقتها ثقيله كنه البطاريه فاضيه المشكله هذي عانيت منها اكثر من 10 شهور لدرجه كرهت السياره مابقيت كهربائي مارحت له كلهم يقلون الكهرباء سليم غيرت سلف جديد مافاد غيرت بطاريه قلت ممكن منها مافاد خشيت اليوتيوب قبل شهر تقريبا وافرفر لين لقيت مقطع اجنبي يشرح نفس المشكله الي اعاني منها صار المشكله من العازل الي يعزل الحراره عن السلف !! اناموتري مافيه عازل عشان يعزل حراره الشكمان عن السلف رحت الصناعيه فيه كراج حق تعديل سيارات قلت له ابي عازل شكمان الي يجي رول اخذته امريكي ممتاز 200 ريال طبعا طويل انت ماراح تستخدم الى بكثير نص متر اشتريته ولفيته على الشكمان جهه السلف والحمدلله من ركبته ضبطت دقه السلف ماشاءالله معاد صارت ثقيله ابد تنبيه ترا فيه عوازل انواع كثيره فيه صيني بلاش لاتاخذه شفلك شي يتحمل درجه حراره عاليه راح احط صور الي مشتريه اتمنا اني افدتكم والمعذره على الاطاله اي شخص مافهم شرحي اوعنده استفسار يتفضل
الي يعاني من سلف الكابرس لقيت الحل
وسيلة الإتصال :
نصائح

58

  شيفروليه

  كابريس

  كابريس 2011



إحذر من التعامل غير المباشر.
إستخدم القائمة السوداء قبل أي عملية تحويل
››   abdulahqh
›› 23
››   قبل 4 شهر و أسبوع
صحيح انا موتري فيه عازل وكاله للسلف بعضهم احتمال ماعنده عازل الافضل يركب عازل الرول انا بركبه يخفف حرارة الموتر عندنا صيف مايرحم
››   1440mmmm
›› 24
››   قبل 4 شهر و أسبوع
جزاك الله خير
كلامك سليم ١٠٠٪
››   raiq123
›› 25
››   قبل 4 شهر و أسبوع
صحيح قدر صارت معي. وركبة عازل وكاله وزبط
››   a7asysy
›› 26
››   قبل 4 شهر و أسبوع
كلام صحيح بعض المرات ما تدق سلف لازم تدق السلف بقطعه خشب او حديده
لازم من قطعه العازل اللي تجي مع السلف او مثل ما سواء صاحبنا
››   فيصل29
›› 27
››   قبل 3 شهر و 4 أسبوع
طيب واللي تشغيلة موتره ثقيله واحيانا م يشتغل الا اذا صار بارد
››   raiq123
›› 28
››   قبل 3 شهر و 4 أسبوع
دعم الكهرب وركب سلف كورفت تصير التشغيله سريعه
››   فيصل29
›› 29
››   قبل 3 شهر و 4 أسبوع
كيف دعم الكهرباء
››   r.al3jmy
›› 30
››   قبل 3 شهر و 3 أسبوع
مثل مشكلة الاخ فيصل
››   raiq123
›› 31
››   قبل 3 شهر و 3 أسبوع
التدعيم غير الكيابل حقت السلف بجديد وادبل الماس وتوصله على المكينه
وافضل دقت سلف انك تغير السلف لحق كورفت
›› 32
››   قبل 3 شهر و أسبوع
بيض الله وجهك صارت لي وغيرت سلف مرتين
››   r.al3jmy
›› 33
››   قبل 3 شهر و أسبوع
حتاا انا جزاك الله خير يعلم الله انك فكيت ازمه
››   غرام sss
›› 34
››   قبل 3 شهر
ياشباب للبيع العازل نفس المعروض بالصوره اصلي ضمان سنه بدون التركيب اللي يبغا يتواصل خاص
››   asim ls1
›› 35
››   قبل 2 شهر و 3 أسبوع
نفس العازل اللي معروض متوفر عندي امريكي اصلي باقي حول ١٠ امتار اللي وده فيه يتواصل خاص :)
›› 36
››   قبل 2 شهر و أسبوع
اتحداك جبت الحل
لك مكافئه ٥ ريال
››   abood_samer
›› 37
››   قبل 2 شهر
المشكله من الدقمه تسخن وتضعف ما تدق زين
››   حراج عابد
›› 38
››   قبل 2 شهر
هاذه في حال السلف كان تعبان واحنا نتكلم عن حتى لما تغير سلف جديد والحراره العاليه تقلل عمر السلف وياشباب ترا عازل الشكمان كمان ينفع ركب دبل لوحين بين الشكمان والسلف وشكراً
››   abood_samer
›› 39
››   قبل 2 شهر
انا عذبني وغيرت سلف ومشى معي فتره ورجع نفس المشكله بس في المناطق الحاره في ابها والخميس مايسويها انزل جده والا جيزان يجنني
››   fahadira26
›› 40
››   قبل شهر و 3 أسبوع
السلام عليكم كلام اخوي صحيح وانا كانت مجننتني وطلع لها من الاساس قطعه عازل تركب على السلف ب مسامير وركبتها وارتحت
››   mr.qassim
›› 41
››   قبل شهر و 2 أسبوع
الله يجزاك خير
››   خالد776
›› 42
››   قبل أسبوع و 5 يوم
المكينه تثقل معناتها السبايك تمسك في الكرنك من الحراره
››   حراج عابد
›› 43
››   قبل أسبوع و 5 يوم
وضح اكثر ياخالد اول مرا اسمع بذا الكلام اجل ليش نحط زيت في المكينه عشان الدوران يكون بدون احتكاك
››   خالد776
›› 44
››   قبل أسبوع و 5 يوم
اذا استهلكت السبايك يضعف ضغط الزيت
وتبدأ تسخن اكثر وتمسك على الكرنك بالأخص السبايك الي في آخر المكينه
تصير المكينه ثقيله خصوصا اذا طفيت الموتر حار ورجعت تشغل تلاحظ هالشي
السلف ما يتأثر بالحراره نهائيا
وعليه حامي من الوكاله
››   حراج عابد
›› 45
››   قبل أسبوع و 5 يوم
احنا نقصد الي ماعليه حامي من الوكاله انا كل المواتر الي خذيتها مستعمله كانت بدون وفي فرق كبير بعازل او بدون الي عنده ثقل ممكن ذا شي ثاني
››   mr.qassim
›› 46
››   قبل أسبوع و 5 يوم
مو بس عازل
لازم تدبل وايرات القران حق السلف
››   ابوعلي 2030
›› 47
››   قبل 6 يوم و 12 ساعه
تكفون بالله الي من جده ورشة مكانيكي وكهربائي كابرس 2011 اس اس سبورت عندي مشكلة كهربا حاول مهندس برمجتهاقال فيه ماس شديد وتهريب عندي بسبب الصوفه الامامية من يدلني على واحدفاهم وناس تخاف الله وناس جربوهم بصدق فزعتكم يااهل الكابرسات
››   km1bbb
›› 48
››   قبل 5 يوم و 3 ساعه
فيه قطعة اصلا وكالة تركب بسامير على السلف تكون عازل انا طلبتها من الولكالة ب 74 ريال تقريبا وبتوصل بكرا ان شاء الله وبركبها ,, لاني شريت لومينا 8 سلندر وماكان فيها العازل ذا وبردلكم ان شاء الله
››   حراج عابد
›› 49
››   قبل 5 يوم و 3 ساعه
طبعاً كلامك صحيح والقطعه ذي غالباً تكون غير موجوده من المالك السابق او احد الورش لايقوم بي اعادة تركيبها ولكن هاذه حل بديل وهو افضل من عزل الوكاله
››   km1bbb
›› 50
››   قبل 5 يوم و 3 ساعه
اخوي عابد
انا ان شاء الله بركبها وبجرب حركتك بخصوص انت كنت حاط رقم فوق اللي هو ذا +966 55 531 3567

للحين الرجال يوفر العازل؟
››   حراج عابد
›› 51
››   قبل 5 يوم و 2 ساعه
ماعندي علم اذا للحين او لا
››   دحمي 444
›› 52
››   قبل 3 يوم و 3 ساعه
عندي كابرس ٢٠٠٨ سته سلندر فيه نفضه وعداد الضغط طالع نازل قالو حساس هوا ولا صلحته له سنه
والمشكله اللي جننتني احيان يشتغل شهر كامل واحيان اسبوع وفجأه اشغله ما يشتغل الا باشتراك وبعد الاشتراك يبتل كم يوم ما عنده مشكله اكثر الاحيان اذا شغلته نص ساعه ربع ساعه وطفيته ما يشتغل اول دقه ضعيف واللي بعدها ما يدق صار له حول سنه نفس الوضع

يجب عليك تسجيل الدخول حتى تتمكن من إضافة رد.