الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» سلفرادو غمارة ونص 2009

قبل 4 شهر
آخر تحديث قبل شهر و 3 أسبوع
#45390537
للي يدور النظيف عندي سلفرادو 2009 غمارة ونص بدون دبل 8 سلندر

ثاني مستخدم سعودي الموتر معي حول 4 سنوات ماقصر وقتها ماشي 140 الف

حاليا الموتر ماشي 250 الف كيلو قابل للزيادة خلال 4 سنوات مشى معي 100 فقط استخدام خفيف من المنزل للعمل وبعض المشاوير التحميل والتنزيل

الموتر نظيف وسبب البيع معي مبلغ و ابي اجدد

محافظ على تغيير الزيوت بوقتها
المكيف شغال الدراش الأربعة تعمل بشكل جيد

العيوب خلال الفترة ذي حصلي حادث واحد بسيط موضح بالصورة وتم اصلاحة والحمدلله

قبل اشتريه كان فيه سمكره بالرفرف الخلفي اليمين
الزجاج الأمامي فيه كسر وتم تغييره
سويتش الشباك حق السائق فيه مشكلة لشباك الراكب مرات يعمل ومرات يقطع إنسام ب 20 و 500 الرجاء اللي يسوم يسجل رقم جواله سواء بالعام أو بالخاص واتس 0552237301

سلفرادو غمارة ونص 2009

سلفرادو غمارة ونص 2009

سلفرادو غمارة ونص 2009

سلفرادو غمارة ونص 2009

سلفرادو غمارة ونص 2009

سلفرادو غمارة ونص 2009
وسيلة الإتصال :
0552237301


  سلفرادو

  سلفرادو 2009

  شيفروليه



إحذر من التعامل غير المباشر.
إستخدم القائمة السوداء قبل أي عملية تحويل
››   user52530
›› 1
››   قبل 4 شهر
السلام عليكم

بعتني بسومته بكره اجيك باذن الله
وفقك الله
››   meshari.
›› 2
››   قبل 4 شهر
لكثرة الاسئلة بالخاص والواتس عن الحد

انا وكلت امري وحديته ب 25 للعلم الموتر يحتاج فحص دوري وانا اتكفل به وبكل قطع الغيار اللي بيحتاج
››   ibrahim al yafei
›› 3
››   قبل 3 شهر و 4 أسبوع
اخوي أنت حديت موترك وذا حقك بس السوق يحم وبين البايع والمشتري يفتح الله والسمح فيه البركة
اذا لك خاطر تبيعني 20500 صامل
ومستعجل بكرا نحلص معك
0555440690
››   meshari.
›› 4
››   قبل 3 شهر و 3 أسبوع
الله يجزاك خير

وسومة طيبه من رجال طيب
الموتر نظيف وان شاء الله انه بيكد مع الشراي بدون لا يدخل الورش ووجع راس

انا كتبت حدي وبقيمة مقبوله الله يسعدك ومن يقرا
والسوق مفتوح
››   meshari.
›› 5
››   قبل 3 شهر و 2 أسبوع
تم اضافة صور جديدة للسيارة والله يرزقنا ويرزقكم من طيب فضله
››   abu_thuwaini
›› 6
››   قبل 3 شهر و أسبوع
هل شبك الHD ( النيكل الكبير ) موجود ؟؟ وكم سعر بيعة ؟؟ ويركب على بمكان الشبك الصغير بدون تعديل ؟؟
››   meshari.
›› 7
››   قبل 3 شهر و أسبوع
اعتذر منك الشبك مو للبيع حاليا


تم تحديث بيانات الاعلان
شكرا لك من تواصل معي بخصوص الاعلان
والبيع قريب
››   meshari.
›› 8
››   قبل 2 شهر و 3 أسبوع
اخواني الاعزاء نظرا لظروفي الماليه حاليا سيتم تخفيض حد البيع بالتفاوض بالمعقول وبيني وبين المشتري يفتح الله
››   gmc1484
›› 9
››   قبل شهر و 3 أسبوع
الشاص طويل والا قصير
››   meshari.
›› 13
››   قبل شهر و 3 أسبوع
قصير وانا اخوك
››   meeko
›› 14
››   قبل شهر و 3 أسبوع
للأسف بعض ذمم اصبحت رخيصه لدى بعض الاشخاص ، تم الاتفاق مع الاخ بان السياره لايوجد بها الا رفرفين فقط والمحركات بحاله الوكاله ، وبعد الفحص اتضح وجود الرفرفين وبابين مسمكره ومرشوشه والسمكه اليمين مصدومه ، وتهريب كارتير القير والمكينه مفكوكه ! ورفض يدفع فلوس الفحص كامله ورفض ينزل من سعر السياره ! ومن يرغب بصوره من الفحص يتواصل معي
››   gmc1484
›› 15
››   قبل شهر و 3 أسبوع
››   gmc1484
›› 16
››   قبل شهر و 3 أسبوع
هل هذا صحيح ياصاحب السياره انا في الجنوب ولي رغبه في السياره لا ادق مشوار وفي الاخير يطلع نفس كلام الرجال
››   meeko
›› 17
››   قبل شهر و 3 أسبوع
والله ان هذا الكلام الصحيح والفحص ورقته معي وتراك بتجي من الجنوب للرياض عشان تقابل شخص ما يخاف الله ولا يصدق القول
››   meeko
›› 18
››   قبل شهر و 3 أسبوع
واذا هو صادق ! لايحذف الرد مثل امس وبتشوف بعينك ياولد الجنوب
››   meshari.
›› 19
››   قبل شهر و 3 أسبوع
مساكم الله بالخير متابعين الإعلان
حاولت اترفع عن تعليق العضو meeko واحذف تعليقه والصلاة على النبي

لعلمكم الرجال وافق يشتري بحدي بعد مافحص وبقناعته ان الموتر نظيف واتفقنا ان البيعه هذا الأسبوع وكل شئ مسجل علي وعليه واتس

ولا هو قد كلمته بس قرقره وكلام فاضي

لكن سبحان من سلطه علي
انا رجال انشغل عن الجوال وتعليق ميكو فيه شئ من الكذب والأسلوب الرخيص فلذلك بوضح لكم اللي حصل

هو صغير سن فاضي ويطقطق بذا الجوال المهم

يا اخوان هل انا كاتب ان الموتر مشروط
ولا هو يشوف شئ مانشوفه

انا ذكرت اللي اعرفه عن السيارة بس
والفحص من حق المشتري

الرجال شاف الموتر قبل العيد وجربه واخذ راحته قلتله سوا للي تبي

رحنا للفحص حسب اختياره وطلع فيه رش أسفل الباب يمين والباب يسار وتهريب زيت بسبب مسمار واحد ناقص في الكارتير وبعض قطع الغيار عمرها الافتراضي قرب يخلص وحسب كلامه المكينة مغيره

والفني بنفسه قال الموتر عموما نظيف على موديله

حاول الرجال ينقص من الحد ورفضت وناشبني على الفحص يبي فلوسه وقولني كلام ماقلته ومع ذلك دفعت له نص قيمة الفحص

ومن يومها وأهو يتصل بي يبي الموتر اخر
واتفقنا على مبلغ وآخر اتصال كان الأربعاء الماضي تاريخ 20 ذو القعدة

تأخرت عليه بالبيع بسبب أني ما استلمت اصل الاستمارة من المرور
وقتها نظام المرور عطلان ويدري بهالكلام

لو الموتر ماهو نظيف ولقطه ما صبر إلى اليوم عشان يكتب ذا التعليق كان كتبته من يومها

ولو الرجال عند كلمته جا اليوم وشرا الموتر

لعلها خيره

قل اعوذ برب الفلق من شر ماخلق ... ومن شر حاسد اذا حسد
››   meshari.
›› 20
››   قبل شهر و 3 أسبوع
والان يرسلي واتس انه بينشب لي ومو مخلي احد يشتري

اللي يبي يشتري يجي يشوف الموتر

وبعده يعرف من اللي كلامه خرطي وبربره وقطع ارزاق
››   meeko
›› 21
››   قبل شهر و 3 أسبوع
ابمشي لك اخلاقك الرخيصه الي تمثلك ، لكن اذا انت رجال صادق مثل ماتقول اتحداك قدام الجميع تنزل صوره الفحص يالرجال الكبير !

كلامي واضح اصدق مع الرجال ! عشان يوفقك الله بالبيعه اما انك تقول للناس موترك نظيف وهو مفجور لايبوي الناس موب فاضيه لك ، نهايه الكلام اذا انت فعلاً صادق وقاعد تتهمني اني كذاب نزل صوره الفحص فالاعلان

وفعلاً قلت لك بالواتس اني بقعد لك ، لكن قلت لك بعد بقعد لك لين تصدق مع الناس وتعلمهم الموتر وش فيه بدال ماتخسرهم فلوس فحص ضنناً منك ان الواحد اذا فحص لازم يشتري !
››   meshari.
›› 22
››   قبل شهر و 3 أسبوع
رح لاهلك يابزر
ودور لك اكسنت على قدك
وحسبي الله عليك على كل كلمه تبليتني فيها

يجب عليك تسجيل الدخول حتى تتمكن من إضافة رد.