الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» لا يدخل الا اللي جرب باترول بلاتنيوم

قبل 3 أسبوع و يوم
#45536233
هات تجربتك مع جيب باترول بلاتنيوم وبكل امانه ابي عيوبه ومميزاته وافضل نوع للاستخدام العائلي وهل يوجد به عطالات مصنعيه لاني حسب ماسمعت انه يوجد به اعطال تطلع فجأه ولكم خالص تحياتي وماذا يميزه عن جيب تيوتا او العكس رجاء لا يعلق الا مجرب
لا يدخل الا اللي جرب  باترول بلاتنيوم
لا يدخل الا اللي جرب  باترول بلاتنيوم
وسيلة الإتصال :
أرجو المراسلة عبر الرسائل الخاصة بالموقع

16
  باترول

  باترول 2019

  عقار حي الفتح في خميس مشيط

  نيسان



إحذر من التعامل غير المباشر.
إستخدم القائمة السوداء قبل أي عملية تحويل
›› 53
››   قبل 2 أسبوع و 4 يوم
اقضل من عزل التايوتا والامريكي بشكل واضح وفرق كبير
وجربته على سرعات عاليه
مشاء الله تبارك الله عزل قوي
››   قبل 2 أسبوع و 3 يوم
طيب يا شباب كيف الاعطال وخصوصاً المكيف والكهرباء
››   abofisal 42555
›› 55
››   قبل 2 أسبوع و 3 يوم
عن تجربه البلاتينوم مريح وعيبه الوحيد صرف البنزين
››   fawawee
›› 56
››   قبل 2 أسبوع و 3 يوم
بعطيك تجربتي للباترول ٦ سلندر في طريق عقبة الهدا في الطلوع
الصراحة عزم سيئ جداً بشكل ما تتخيل خصوصا لو في زحمة في الطريق انسى انك تقدر تتجاوز مايصلح بقرش وفي الخطوط يمشي الحال مو ذاك الزود
وفي الاخير حسب الاستخدام.
››   basil344
›› 57
››   قبل 2 أسبوع و 3 يوم
ركب له تيربو واطلع الهدا
بورش ما يمسك معك شوف مقاطع ٦ سلندر في اليوتيوب
››   بوخالددد
›› 58
››   قبل 2 أسبوع و 3 يوم
‏السلام عليكم ورحمة الله وبركاته أنا عندي باترول ستاندر إكس أي موديل 2014 قير عايدي بالنسبة لي أنا سبق استخدمت لاندكروزر 2011 سته سلندر طبعا الباترول فاكه شبه وكاله صراحة العايدي ماله مثيل في ال باترول ومحافظ عليها ماشي الحين ‏160,000 سويت له صيانة مرة عند مائة الف بس القير العادي استهلاك الفحمات ممتاز وما فيه حراره مثل الاوتوماتك حسب اللي اسمع صرفية البنزين تقريبا سبع كيلو اللتر يعني التانكي الكبير يمشيك 600 650 سرعة 120 العيب الوحيد في الموتر اللي معي اللي واجهتني الربلة العكس الخلفية خارجية اليسار بس بهدلتنا ثلاث أربع او خمس مرات يطلع الشحم ‏والا اعرف ايش السبب العيب الثاني لا حظته في الباترول بوية البوادي ضعيفة جدا أي شيء حصاة رمل ياثر عليها يطلع الحديد مباشرة أعتقد كل الباترول اللي كذا حتى من 2010 ‏من العيوب في ال باترول إذا بغيت استخدم استخدامات البر وشلت الصف الثالث الشنطة الخلفية صغيرة مقارنة بالكروزر صغيرة جدا ‏بالنسبة للتكييف سبق قريت موضوع التكييف الشخص اللي كان يتكلم قال تحط درجة حرارة التكيف على 22 ومن وقتها أنا حاط على 22 ما لاحظت شي وأنا اساسا من طبعي ما بحب المكيف البارد مرة الباقي ممتاز جدا راحة لأبعد الحدود عزل ‏وفق الله الجميع
›› 59
››   قبل 2 أسبوع و 3 يوم
مكيف الباترول عندي في عز الحر هالايام انقص في درجة البروده من 25 الى 27 من قو تبريده مشاء الله تبارك الله
موترك يابوخالدد فيه مشكله
››   قبل 2 أسبوع و 2 يوم
يعني العزم سيء جداً للسته
›› 61
››   قبل 2 أسبوع و 2 يوم
غير صحيح
››   fawawee
›› 62
››   قبل 2 أسبوع و 2 يوم
العزم زي اللي يشتري سيارة جيب لعبة رموت كنترول ويحط بطارية ابو بس والا يحط بطارية انرجايزر ويحس بالفرق
نفس التشبيه بين باترول ٦ سلندر و٨ سلندر
›› 63
››   قبل 2 أسبوع و 2 يوم
على الاقل ال 6 سلندر اقوى قومه من الجي اكس ار 8 سلندر
وهذا بحد ذاته يكفي لطلوع عروق الرمال بتفوق على اللاند
››   999kaald
›› 64
››   قبل 2 أسبوع و 2 يوم
اذا عبيته 91 يضر السياره لان الكتلوج يقول 95
›› 65
››   قبل 2 أسبوع و 2 يوم
يارجال اترك عنك الكتالوج اذا فيه 81 عبه ولا عليك
››   اابو فهاد
›› 66
››   قبل 2 أسبوع و 2 يوم
رفيق النشاما انت موترك وشهو . ٦ ولا ٨ وكم له معك ياخوي نبي علم ذالموتر . خاصه في العروق
›› 67
››   قبل 2 أسبوع و يوم
6 سلندر بلاتينيوم 18
مشاء الله تبارك الله
يسراك ماتعطيه يمناك ياقوم يالاند ماياكل معه عيش
والي ماهوب مصدق ياخذه تجربه من فرع طريق الثمامه ساعه وينحره طعوس الثمامه
››   الخالدي 0
›› 68
››   قبل أسبوع و 3 يوم
كان معي واحد ٢٠١٠شريته جديد
LE 400 توه نازل الشكل ذا
اخذته حول ٢٤٠الف
اول ما اخذته بعد فتره خرب المكيف ٣مرات
واذا وقفت عند الاشاره ترفتع الحراره
المعم فجأه ونا ماشي كان ممشى الموتر توه داخل. ١٠٠الف وشوي
طفى الموتر فجأه عيا يشتغل
وديته وكالة الحمراني قبل ينتهي الضمان وقالو زين الموتر وصلحوه ابو اسبوع بعد ما انتهى الضمان ماعرفو للموتر
وديته عند اكثر من ورشه معروفه ولا احد عرفله ووضبت الموتر مرتين وغيرت كمبيوتر وزان اسبوع وبه تقطيع ورخرب مره ثانيه ماعاد يشتغل
اخر شي بهذلني واشغلني سنه كامله وهو من ورشه لورشه و بعته ب ٧٠الف والموتر توه جدييد
وراعيه فرغ الشكمان وزان فتره ويقطع وبعذله وغير مكينه وطلعت المكينه سليمه وحنا موضبينها على الفاضي وهو غيرها على الفاضي
المهم لهذلني وبهذل الي شراه الله لا يعيده
المهم وكالة الحمراني النصاب قفلوه بعد مالعب علي وعلى غيري
كانك بتاخذ خذ من ١٥وفوق وقل ان شاء الله تسلم
››   الخالدي 0
›› 69
››   قبل أسبوع و 3 يوم
كلفني تصليحات ٤٠الف ولا زان
والعوض من الله
››   قبل أسبوع و 3 يوم
يعني ويش تشيروني به اخذ سياره عائليه كبيره
››   الخالدي 0
›› 71
››   قبل أسبوع و 3 يوم
سكويا
››   basil344
›› 72
››   قبل أسبوع و 3 يوم
ياخالدي الورشه الي كنت تمر عليها لعبو عليك مليون في الميه كثير ناس جربوه ماصار معاهم مثل الي صار معك
لا وشاريه وكاله بعد....
يمكن عين والله اعلم او فلوسه....
›› 73
››   قبل أسبوع و 3 يوم
اي سيارة تتعرض للحوادث تكثر خراباتها وتتكرر
عشان كذا المحافظة على بدي السيارة سليم شي اساسي في استخدام السيارة
اما اذا تعرضت لحادث بعها بحالتها لاتصلح وربي يعوضك بغيرها
›› 74
››   قبل أسبوع و 3 يوم
اما السيارة وكالة ماجاها حوادث مستحيل تخرب واستخدامك لها سليم الا جايها عين او شي ثاني .....
››   dream2020
›› 75
››   قبل أسبوع و 3 يوم
اخوي رفيق النشاما للأسف هناك سيارات تعشق الخرابات و الورش لو مهما اعتنيت فيها و ذلك بسبب عيوب مصنعية ماتبغى الشركات المصنعة تتلافاها بالكامل.. و الأمثلة حوالينا كثيرة و الورش مليانه سيارات لماركات مشهورة و مغمورة بعضها تسخن و تضرب مكاينها، و أخرى يضرب القير بدون مقدمات مهما كانت سواقتك راكدة و بعضها التكييف اسوء مما تتخيل خصوصاً لا وقفت بالظهر عند إشارة و البعض مشاكل بالكهرباء تطلع من مشكلة تدخل بغيرها و بعضها تدور قطع بسيطة لها ما تلاقيها حتى عند الوكيل إلا بطلبية و انتظار طويل!

عشان كذا لاااازم الواحد يسأل عن الصيانة و عملانية السيارة مو بس من الوكيل و صيانتها بل حتى من الورش و بعض من استخدمها بدون انحياز بالرأي و بالأخير يالله الواحد يسلم..
›› 76
››   قبل أسبوع و 3 يوم
كلامك اخوي dream صحيح
بس من كل ماركة من هالسيارات في بعض موديلاتها يحصل خلل مصنعي لاكن مايعمم
دائماً الناس في الشي السئ يعممون وفي الزين يخصّون هذي ايضاً نظرية تحتاج الى بحث
››   الخالدي 0
›› 77
››   قبل أسبوع و 2 يوم
يا اخ باسل اقرب ماله عين حتا قالوه لانه توه نازل اول من دخله الخرج انا
وفلوسه من دم قلبي وبعت موترين وطلعت قرض علشان اخذه
وين تقول فلوسه حرام حرام عليك
››   قبل أسبوع و 2 يوم
موتر عائلي يوكن فيه ميزه يتحول 4 سرندل للتوفير و اذا دعست 8 سرندل و راحه و قوه و و ارخصهم و افضلهم اللي يقولك سكويا الصراحه موتر 3500 كيلو ثقيل و تحس انك راكب تريله عكس الجمس 2291 كيلو عاد الشور لك و للمعلوميه السكويا م يجيك 2019 يجيك 2016 و اذا لقيت جديد ذيك الحزه مقطوع في سوق الخليج
››   basil344
›› 79
››   قبل أسبوع و يوم
الله يعوضك خير ياخوي الخالدي ونعتذر،
لم نتقصد الاسائه بقدر ان نجد تفسير اسباب المشكله الي مريت بها والله يوفقك اخوي.
››   متصل ...
›› 80
››   قبل أسبوع
صراحتن انا اشوف باترول منتشر كثير بالامارات وبدى ينتشر عندنا بسعوديه وباذن الله باخذ واحد وجربه ولاكني خايف من صرفية البانزين لان دوامي يبعد عن الرياض حدود 130 كيلو رايح
››   قبل أسبوع
المجرب بلاتينويم ٦ او ٨ سلندر ياليت يعطينا تجربته وهل ينصح بشرائه وما هي اكثر عيوبه ومميزاته؟
›› 82
››   قبل أسبوع
fawawee
ماصدقت انا طلعت بال 6 سلندر الهدا عزمه نشيط مره يسقط على السيارات وتقاوم به بس شكلك تفصد فان H1 هونداي 4 سلندر او انك تسولف من راسك

يجب عليك تسجيل الدخول حتى تتمكن من إضافة رد.