الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» للي خبره بالسيارات والاقساط

قبل 3 شهر و 3 أسبوع
#45637360
سلام عليكم ياجماعه انا موظف بقطاع خاص وراتبي 3700
على بنك الاهلي ومسجل بالتأمينات اقدر اخذ كورولا 2020 اقساط؟ واذا اقدر تنصحوني اخذ من وين ؟ وهل المعرض افضل ولا عبدالطيف جميل ؟ ياليت تفيدوني لان اول مره باخذ سياره اقساط وما اعرف شي من اوراق وكل شي
والله يعطيكم العافيه ويجزاكم خير
للي خبره بالسيارات والاقساط
هذا الإعلان قديم وتم إزالة رقم الجوال
بالامكان مراسلة المعلن عبر الرسائل الخاصة.
  تويوتا

  كورولا

  كورولا 2020



إحذر من التعامل غير المباشر.
إستخدم القائمة السوداء قبل أي عملية تحويل
›› 4
››   قبل 3 شهر و 3 أسبوع
شوف بالنسبة للقطاع الخاص مهي مشكله يطلعو لك سياره اما الراتب اتوقع لازم ٤٠٠٠ على حسب نوع السياره الاوراق المطلوبه
١ تعريف براتب و مختوم من الغرفه التجارية
٢ مسجل ف التامينات
٣ الراتب عل بنك
٤ الرخصه جديده
٥ بدون مخالفات
٦ الهوية
هذا الي اتذكره والله الموفق
›› 5
››   قبل 3 شهر و 3 أسبوع
الافضل تاخذ من البنك ويكون القصد وقيمة السياره ماتتاجوز ا
انه يخصم من راتبك ٢٠ بالمية البنك افضل حسب تجربه والله يرزقك فالأفضل
››   مروان 05
›› 6
››   قبل 3 شهر و 3 أسبوع
الله يعطيكم العافيه ويجزاكم خير ويجعلها في ميزان حسناتكم
››   alzer1417
›› 7
››   قبل 3 شهر و 3 أسبوع
الراجحي يقدر يعطيك ٥٠ الف وراتبك يكون من ٢٠٠٠ واعلى وتسدد ٩٠٠ ريال ف الشهر لمدة ٦٠ شهر تقريبا ٥ سنوات
›› 8
››   قبل 3 شهر و 3 أسبوع
خذ من بنك الاهلي افضل لك ثم اذهب اقرب معرض سعر جميع المعارض المدينة اذا هو غالي روح مدينه ثانية الرياض ارخص المدن ماهو كل معارض الرياض ويوصلو لك السياره عن طريق النقليات ماتكلف عليك الكثير لان سياره جديده ممكن ماياخذو منك الا القليل
››   alzer1417
›› 9
››   قبل 3 شهر و 3 أسبوع
خذ قرض شخصي لا تاخذ قرض سيارة افضل لك يكون نسبة بسيطة
سمعت بنك العربي النسبة عنده قليله اللي ياخذها بس اهم شي قرض شخصي خذ
›› 10
››   قبل 3 شهر و 3 أسبوع
راتبك ٣٦٠٠
الله يرزقك ويزودك
انا سبق وشريت سياره ونفس الراتب
اكره السياره لئن نصف الراتب اقساط
نصيحه خذلك شئ على قد فلوسك
كورولا ٢٠١٢ مش حالك لين ربي يرزقك
››   Naiaf822
›› 11
››   قبل 3 شهر و 3 أسبوع
يا أخ مروان ولا يهونون الشباب دام انك تقول راتبي 3700 ليه تضغط على نفسك وتأخذ كورلا اخذ يارس فرق بسيط بينها وبين الكورلا وبعدين اوفر لك في السعر وفي الاقساط وايضاء في استهلاك الوقود وعلى ما قال المثل

( مد رجلك على قد لحافك ) هذا مجرد رأي والله يوفق الجميع
››   abuali191
›› 12
››   قبل 3 شهر و 3 أسبوع
اوافق اخوي naiaf الرأي و لا اطلع لك قرض معقول و خط لك مستعمل نظيف ٢٠١٨ ب حدود ٤٥ الى خمسين الف ممشاها جداً قليل اقل من ٢٥٠٠٠
››   al_ahmry_909
›› 13
››   قبل 3 شهر و 3 أسبوع
فيه مثل يقول ( مد رجلك على قد لحالفك) معناه لا تأخذ شيء ماتقدر عليه وتصعب عليك اقساطه ويروح نص الراتب وحاله ووو وعشان ايش عشان كورولا شفلك صني شفلك اكسنت للسيارات كلها والله فيها قير ومكينه ومكيف انا مادري حن حالتك الماديه زينه او لا عسى الله يرزقنا ويرزقك لكن فقط للتنويه وانت حر واعتذر عن اللقافه ههههههه
›› 14
››   قبل 3 شهر و 3 أسبوع
‏نصيحة للوجه الله تعالى ‏لا تسحب اقساط ‏اشتري سيارة كاش مستعملة
انا مجرب 5اسنين عيوني طلعت من الاقساط
›› 15
››   قبل 3 شهر و 3 أسبوع
ايوالله مانتبهت من راتبك مايغطي الحاله المادي ممكن مايساعدك لان وراك مصاريف مكلفه يضغط عليك لاكن خذ سياره كورلا ١٣-١٤-١٥حدود ٣٠-٢٥ الف ريال يكون نظيف خذ قرض شخصي من البنك وقسط ٦٠٠ والباقي في جيبك —- اخوي انا معه كورولا ١٣ لها ٤سنين يسافر ويداوم عليها يومي وماكلفت عليه الا غيار زيت وبنزين وكفرات فقط لاغير وبعدين لاحق على الجديد بعد سنتين يكون مستعمل وارخص لك لاتضغط على نفسك
››   Naiaf822
›› 16
››   قبل 3 شهر و 3 أسبوع
هل تعلم يا أخ مروان ولا يهونون الرجال أن اخوي زي وضعك أخذنا له يارس موديل 2016 اللون اسود فيه بعض الرشوش المتفرقه لاكن محركات شرط بسعر 16 الف ولها معه أكثر من 6 شهور
وما يخلي عليها مكان وكان تفكيره مثلك
ترى مجرد ما توقع أوراق السياره مع الشركه لا يمكن أنك تتنازل الا بشروط معقده وتدخل بعدها على ماقالو في الشركه والحبال المعقده فقد اعذر من انذر انت مثل اخوي وحبيت أوجه لك النصيحه
›› 17
››   قبل 3 شهر و 3 أسبوع
للأسف ما انصحك
وان كنت ملزم اخذ قرض من البنك بنسبة ماتزيد عن ٢ ونصف لمده ٥ سنوات وتشتري باي مبلغ السيارة لأنها ملكك بالأول والأخير

لا انصحك تروح للشركات اللتي تستغل حاجة المواطن وتزيد النسبه الي ١١٪ والأمر والادهي انه على ٣ سنوات ومستعمل تتفق انت مع المواطن في سوقالحراج وتدق عليهم يعني ماهي ملكهم بالأصل وفيها حكم شرعي

›› 18
››   قبل 3 شهر و 3 أسبوع
أما البنك نفس الشيء لا يملك سيارات له مسبقا فالأول الإبتعاد عنهم
وانت شاب تحتاج مصاريف مو منطقي تجلس تقسط قيمة سيارة َونص جديدة وهي باسم البنك أو الشركة ولو راحت تالف التأمين لهم وانت دافع التأمين؟؟!!!

الحل بيد الله هو قرض لو تأخذه من غير البنك اقلها تكون باسمك وبنسبة أقل بكثييييييير من التاجير اللذي يكون من ٧ ٪أو ٨٪ الي اكثر من ١١٪
›› 19
››   قبل 3 شهر و 3 أسبوع
أو تكلم شخص يقسطك سيارة مو محتاج لها تعرفه َتربحه بشكل معقول
السيارات اللي تتناسب ماديتك
كورَلا ٢٠١٢ واي موديل نظيف اق من هذا الموديل
كامري ٢٠١٢
ومعروف عن تويوتا انها تتحمل لسنوات ان تم المحافظه عليها وامشيك الي ٥ سنوات بالراحة
›› 20
››   قبل 3 شهر و 3 أسبوع
اتوقع البنك يعطي راتب ٣٠٠٠ لا تأخذ تأجير بل قرض مرابحة كاش
والله اعلم
››   2700efi
›› 21
››   قبل 3 شهر و 3 أسبوع
نصيحة اخ لاخيه لاتاخذ من الراجحي اقساط انتبه والله اخذنا وبهذلونا بالفوايد وسلمنا لهم السياره وحنا مسددين لهم سنتين ونص ورجعو يطالبوننا ب٤٠ الف اكثر من قيمة السياره حسبو علينا اجار باليوميه طيب اللي نقسط لكم قالو مالنا دخل انتبه لاتقرب الراجحي
››   2700efi
›› 22
››   قبل 3 شهر و 3 أسبوع
بنك التسليف يعطونك سياره بدون فوائد بشرط انك تشتغل عليها بكريم او اوبر وقسطها ميسر رح لمهم
››   amr-z
›› 23
››   قبل 3 شهر و 3 أسبوع
٧٠٠ خلها قسط القرض اللي بتاخذه من البنك يمكن يعطيك حول ٤٠٠٠٠ ويصفى لك ثلاثة آلاف من راتبك تمشي أمورك.
››   Faisa1399
›› 24
››   قبل 3 شهر و 3 أسبوع
ليه أغلب المعارض واللي يبيعون سيارات أقساط مايسوقون غير للسيارات السياحيه مايسوقون للفل ؟!
››   مروان 05
›› 25
››   قبل 3 شهر و 3 أسبوع
الله يعطكم العافيه جميعاً وكل التعلقيات قريتها شكراً لكم ❤️
››   قبل 3 شهر و 3 أسبوع
انا راتبي ٣١٧٠ريال يعطونك تمويل سياره والكورلا تاخذها بدون دفعه
›› 27
››   قبل 3 شهر و 3 أسبوع
جمع كم قرش خذلك سيارة مستعملة
احسن لك من الاقساط والبهذلة
››   عمر 1549
›› 28
››   قبل 3 شهر و 2 أسبوع
شوف ياحبيبي انا كنت موظف مثلك وكنت ادور لي سياره اقساط بس فكرت فيها لو انفصلت من الشركه كيف بسدد خمس سنوات لذالك انت اذا ضامن انك بتكمل في الشركه اللي انت فيها وتقدر تعيش نفسك مع المتبقي من الراتب بدون الاقساط روح ربي يوفقك اذا متردد نصيحه لاتاخذ والله لتتبهذل وتلعن الساعه اللي اخذت فيها سياره .
››   do-2019-dge
›› 29
››   قبل 3 شهر و 2 أسبوع
الله يوفقك يالغالي شوري عليك وانت براحتك ،
لاتاخذ الكورولا استبدلها ب هوندا سيفيك ، ارخص ، اجمل ، مواصفات ورساوة واقتصاد ، الله يوفقك ومر الوكاله هوندا في عروض عن طريق بنك الاهلي .، وفقت
››   sultan55555
›› 30
››   قبل 3 شهر و 2 أسبوع
خذلك سياره كاش لو ب (١٠ ) الاف. ازيلك من الاقساط لونها زيرو وجديده. وجهة نظر
››   yaris2010
›› 31
››   قبل 3 شهر و 2 أسبوع
والله كورولا الجديدة جدا حلوة وتصميم روعة افضل الاستاندر خدومة وقليلة مشاكل بس سعرها شوي مرتفع
››   الحربي969
›› 32
››   قبل 3 شهر و أسبوع
روح بنك التسليف يعطيك سياره جديده اقساط بسعر الكاش
››   special hero
›› 33
››   قبل 2 شهر و 3 أسبوع
ياجماعه راتبي ٣٢٠٠ وعلى الراجحي مافي طريقه اطلع قرض او شركه تمولني مبلغ مثلاً ١٥ الف بشتري لي سياره واسددهم احسن من اني اخذ شي جديد وغالي واساساً راتبي م يقبلونه الشركات لكن هل فيه جهه تمولني بالمبلغ اللي قلت لكم عليه؟

يجب عليك تسجيل الدخول حتى تتمكن من إضافة رد.