الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» سلفرادو غمارة ونص 2009 نظيف

قبل 3 شهر
آخر تحديث قبل شهر و 3 أسبوع
#46557543
للي يدور النظيف عندي سلفرادو 2009 غمارة ونص بدون دبل 8 سلندر

ثاني مستخدم سعودي الموتر معي حول 4 سنوات ماقصر وقت ما شريته كان ماشي 140 الف

حاليا الموتر ماشي 250 الف كيلو قابل للزيادة خلال 4 سنوات مشى معي 100 فقط استخدام خفيف من المنزل للعمل وبعض المشاوير التحميل والتنزيل

الموتر نظيف للمستخدم و محافظ على صيانته
المكيف بارد والشبابيك الأربعة تعمل بشكل جيد

العيوب كلها بسيطه

خلال الفترة ذي حصلي حادث واحد بسيط موضح بالصورة وتم اصلاحه والحمدلله

قبل اشتريه كان فيه سمكره بالرفرف الخلفي اليمين

الزجاج الأمامي فيه كسر وتم تغييره

سويتش الشباك حق السائق فيه مشكلة بزرار الراكب مرات يعمل ومرات يقطع

إنسام ب 20 و 500 والبيع قريب

الرجاء اللي يسوم يسجل رقم جواله سواء بالعام أو بالخاص واتس 0552237301














وسيلة الإتصال :
0552237301


  سلفرادو

  سلفرادو 2009

  شيفروليه



إحذر من التعامل غير المباشر.
إستخدم القائمة السوداء قبل أي عملية تحويل
››   meshari.
›› 2
››   قبل 2 شهر و 4 أسبوع
ما راح نختلف من الصامل

السوم 20 و 5 ميه والبيع قريب
››   meshari.
›› 3
››   قبل 2 شهر و 3 أسبوع
اخواني الاعزاء نظرا لظروفي الماليه حاليا سيتم تخفيض حد البيع بالتفاوض بالمعقول وبيني وبين المشتري يفتح الله
›› 4
››   قبل 2 شهر و أسبوع
كم حدك جوالي 0551019611
›› 5
››   قبل 2 شهر
١٢ الف صامل
››   meeko
›› 9
››   قبل شهر و 4 أسبوع
للأسف بعض ذمم اصبحت رخيصه لدى بعض الاشخاص ، تم الاتفاق مع الاخ بان السياره لايوجد بها الا رفرفين فقط والمحركات بحاله الوكاله ، وبعد الفحص اتضح وجود الرفرفين وبابين مسمكره ومرشوشه والسمكه اليمين مصدومه ، وتهريب كارتير القير والمكينه مفكوكه ! ورفض يدفع فلوس الفحص كامله ورفض ينزل من سعر السياره ! ومن يرغب بصوره من الفحص يتواصل معي
››   meshari.
›› 10
››   قبل شهر و 4 أسبوع
مساكم الله بالخير متابعين الإعلان
حاولت اترفع عن تعليق العضو meeko واحذف تعليقه والصلاة على النبي

لعلمكم الرجال وافق يشتري بحدي بعد مافحص وبقناعته ان الموتر نظيف واتفقنا ان البيعه هذا الأسبوع وكل شئ مسجل علي وعليه واتس

ولا هو قد كلمته بس قرقره وكلام فاضي

لكن سبحان من سلطه علي
انا رجال انشغل عن الجوال وتعليق ميكو فيه شئ من الكذب والأسلوب الرخيص فلذلك بوضح لكم اللي حصل

هو صغير سن فاضي ويطقطق بذا الجوال المهم

يا اخوان هل انا كاتب ان الموتر مشروط
ولا هو يشوف شئ مانشوفه

انا ذكرت اللي اعرفه عن السيارة بس
والفحص من حق المشتري

الرجال شاف الموتر قبل العيد وجربه واخذ راحته قلتله سوا للي تبي

رحنا للفحص حسب اختياره وطلع فيه رش أسفل الباب يمين والباب يسار وتهريب زيت بسبب مسمار واحد ناقص في الكارتير وبعض قطع الغيار عمرها الافتراضي قرب يخلص وحسب كلامه المكينة مغيره

والفني بنفسه قال الموتر عموما نظيف على موديله

حاول الرجال ينقص من الحد ورفضت وناشبني على الفحص يبي فلوسه وقولني كلام ماقلته ومع ذلك دفعت له نص قيمة الفحص

ومن يومها وأهو يتصل بي يبي الموتر اخر
واتفقنا على مبلغ وآخر اتصال كان الأربعاء الماضي تاريخ 20 ذو القعدة

تأخرت عليه بالبيع بسبب أني ما استلمت اصل الاستمارة من المرور
وقتها نظام المرور عطلان ويدري بهالكلام

لو الموتر ماهو نظيف ولقطه ما صبر إلى اليوم عشان يكتب ذا التعليق كان كتبته من يومها

ولو الرجال عند كلمته جا اليوم وشرا الموتر

لعلها خيره

قل اعوذ برب الفلق من شر ماخلق ... ومن شر حاسد اذا حسد
››   meeko
›› 11
››   قبل شهر و 4 أسبوع
ابمشي لك اخلاقك الرخيصه الي تمثلك ، لكن اذا انت رجال صادق مثل ماتقول اتحداك قدام الجميع تنزل صوره الفحص يالرجال الكبير !
››   meshari.
›› 12
››   قبل شهر و 4 أسبوع
والان يرسلي واتس انه بينشب لي ومو مخلي احد يشتري

اللي يبي يشتري يجي يشوف الموتر

وبعده يعرف من اللي كلامه خرطي وبربره وقطع ارزاق
››   meeko
›› 13
››   قبل شهر و 4 أسبوع
كلامي واضح اصدق مع الرجال ! عشان يوفقك الله بالبيعه اما انك تقول للناس موترك نظيف وهو مفجور لايبوي الناس موب فاضيه لك ، نهايه الكلام اذا انت فعلاً صادق وقاعد تتهمني اني كذاب نزل صوره الفحص فالاعلان
››   meeko
›› 14
››   قبل شهر و 4 أسبوع
وفعلاً قلت لك بالواتس اني بقعد لك ، لكن قلت لك بعد بقعد لك لين تصدق مع الناس وتعلمهم الموتر وش فيه بدال ماتخسرهم فلوس فحص ضنناً منك ان الواحد اذا فحص لازم يشتري !
››   meshari.
›› 15
››   قبل شهر و 3 أسبوع
مالي كلام معك

اذا الموتر مفجور ليه توك تتكلم يا كذاب وما تخاف من الله
››   meeko
›› 16
››   قبل شهر و 3 أسبوع
اي شخص يروح يشوف الموتر ويطلع فيه غير الكلام الي انا قلت له زعما من الاخ اني كاذب
له ٥٠٠٠ الاف ريال والله ان ياخذها حلال عليه
٠٥٦٨٠٥٨٦٨٦
››   meshari.
›› 17
››   قبل شهر و 3 أسبوع
رح لاهلك يابزر
ودور لك اكسنت على قدك
وحسبي الله عليك على كل كلمه تبليتني فيها
››   idhoom
›› 18
››   قبل شهر و 3 أسبوع
بعيدا عن المهاوش الي قاعد يصير اخ meeko انت شفت السياره وماعجبتك لا تهاوش و كأنك فاضح الرجال
( قطع الاعناق ولا قطع الارزاق)

انت شفت السياره بعينك وفحصتها ماتفقتو على سعر الله يرزقك بغيرها والله يرزقه ف البيعه الي يبيها
››   idhoom
›› 19
››   قبل شهر و 3 أسبوع

بعض السيارات لها اكثر من مالك المالك الجديد يمكن مايدري وش فيها اهو بيعلمك كاستخدامه صار لها شيء ولا نظيفه واذا يكذب ربي فوقه و الظلم ظلمات يوم القيامه كل واحد بيحاسب على فعلته

(قل خيراً او اصمت)
››   meshari.
›› 20
››   قبل شهر و 3 أسبوع
خير ما قلت وبيض الله وجهك

للاسف يتلاعب باسم الظلم
البزر فحص واتفقنا على بيع ولا التزم بكلمة بيع
بالله كيف تصدقه

بنزلكم صورة تثبت انه وافق على البيع بعد ما فحص قبل العيد
وتوه ينطق

القافلة تسير والكلاب تنبح
البيع مستمر يا اخوان
››   meeko
›› 21
››   قبل شهر و 3 أسبوع
جزاك الله خير يادحوم وكلامك منطقي لو كان التعامل مع رجل صادق مع نفسه وربه قبل يصدق الناس
هل يعقل شخص يقولك افحص الموتر سليم تماماً وبعد ماتفحص ويظهر الفحص مختلف عن ماتم التشارط عليه ! يقولك هذا موتري عندي وفلوسك عندك ، ويرفض يدفع قيمه الفحص بحجه ان الي بيشتري لازم يفحص ، وهنا يتضح ما مدا جاهليه الاخ في البيع والشراء
››   meeko
›› 22
››   قبل شهر و 3 أسبوع
الحاجه الثانيه سوء اخلاقك يامشاري وقله الذمه عندك وكميه الجهل الي تملكها في عقلك توضح للجميع بأن ماحصل صحيح ، وفي حال كان ماحصل غير صحيح وبأن ماتم ذكره من قبلي افتراء مثل ماتقول ، ابيك تكون نصف رجل ع الاقل ! وتنزل صوره الفحص
معك يوم تنزلها او بنزلها انا
وماستغرب ان دحوم واحد من اخوياك عشان يلطف الجو ، لان قليل ذمه قليل خاتمه
وسلامتكم
››   meeko
›› 23
››   قبل شهر و 3 أسبوع
كما هو موضح بالصوره تاريخ الكلام ١٠ اغسطس ، اي قبل ١٧ يوم من اليوم ، كلها ال ١٧ يوم مضت ممطاله منك ، مره مسافر ومره بتنقل غنم العيد ومره بتودي الغاز ، لذلك كلامك منقوص زيك ومالومك مايهذري المهذري الا من حر السخونه
››   meshari.
›› 24
››   قبل شهر و 3 أسبوع
اقول فارق بس

طلعتك كذاب قدام خلق الله ومالك كلمه يابزر
لا شراي ولا قد كلامك ولا عندك كلمه حق وفوقها قطاع ارزاق
واللحين جاي تالف سوالف وتحاول تخلي العالم تصدقك

سمعني نباحك بس
››   meeko
›› 25
››   قبل شهر و 3 أسبوع
أٌشير الى القمر والأحمق ينظر الى إصبعي
››   meshari.
›› 26
››   قبل شهر و 3 أسبوع
نباااح وماتعرف غيره
››   meeko
›› 27
››   قبل شهر و 3 أسبوع
خلاص لاتصيح الحين علمنا موترك وش فيه بالظبط ؟
عشان الي يقرا يعرف يشتري
›› 28
››   قبل شهر و 3 أسبوع
مشاري كم حدك واذا لك بالبدل راجع اعلاني
››   أبوفهد550
›› 29
››   قبل شهر و 2 أسبوع
يخوي خلاص انت فحصت الموتر طلع فيه بلا. قل لراعيه الله يرزقك وتوكل على مو تروح تكلم على الرجال وسيارته
›› 30
››   قبل شهر
يااخي احذف الاعلان وحط اعلان جديد لان اعلانك صفا فيو مشاكل .وبصير الموتر منفوس والعياذ بالله .
وتوكل على الله .الي معجبو الموتر لايشتري .
›› 31
››   قبل أسبوع و 6 يوم
السلام عليكم
الموتر موجود

يجب عليك تسجيل الدخول حتى تتمكن من إضافة رد.