الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» جنسس 2018

قبل شهر و 2 أسبوع
آخر تحديث قبل 2 أسبوع و يوم
#47043947
جنسس وش افضل نوع وفيه مديلات فيها عيوب اللي جرب ياجماعه يفيدنا انا مخطط وشفت الموتر عجبني علمآ اني دايم امسك خطوط اللي جربها او يعرف عنها يفيدنا والله يجزاكم خير
جنسس 2018
وسيلة الإتصال :
العام للأفاده


  جنسس

  جنسس 2018

  هونداي



إحذر من التعامل غير المباشر.
إستخدم القائمة السوداء قبل أي عملية تحويل
›› 3
››   قبل شهر و 2 أسبوع
وش افضلهن فيه ٨ وفيه سته سرندل
››   قبل شهر و 2 أسبوع
كان عندي ٢٠١٥ استاندر وكان اخوي يسافر عليها الحفر وكنت انزلها ولاعب فيها ولا شكيت منها الحمد لله مغير اقمشه مره واحده ب٣٠٠ وشوي ،، اذا تبغى شوري اشتر ولا تتردد انا ان شاء الله بشتري ١٨ او ١٩ قريب وشكرا
››   قبل شهر و 2 أسبوع
فيه رويال ٦ سلندر مكينة ٣.٨ موفره

وفيه ٨سلندر مكينة ٥.٠ قوة جنونية

عاد انت ودعستك اذا تبغى القوة خذ الـ٨ واذا ما تهتم للقوة خذ الـ٦ والسته بعد قويه والله

بالنسبة لي اشوفه ألماني تجميع كوري
›› 6
››   قبل شهر و 2 أسبوع
يعطيكم الغافيه لا اذا الفرق بس عزم اشوف ال٦ كويسه
›› 7
››   قبل شهر و 2 أسبوع
مشكلتها تكيف وكفارات والسقف البانوراما يبيلك ترفع الدعسه غير مقاس الوكاله وتنتبه من المطب ومن ناحيه المكيف يبيلك كل ست شهور تنشب للوكاله عشان يضبطون المكيف ومن ناحيه البانوراما يبيلها اهتمام تشحيم كل فتره كل صيانه خلهم يشحمون لك السقف انا كان معي الموتر مرا جبار
›› 8
››   قبل شهر و 2 أسبوع
اخوي مشاري الله يجزاك خير ويعطيك العافيه بس الدعسه ماني فاهم
›› 9
››   قبل شهر و 2 أسبوع
مشكله اذا مشاكله واجد وصيانه دوريه والوكاله خابرهم يغثون وش تنصحوني بسياره ثانيه
››   ahmad_11d
›› 10
››   قبل شهر و 2 أسبوع
السياره عليها ضمان 100 الف او 5 سنوات وعندك صيانه مجانيه الى 100 الف او 5 سنوات يعني اذا دخلت الموتر تسوي صيانه له قولهم يشحمون البانوراما لانك تسمع فيها صوت حتى لو ما سمعت شي والكفرات غيرها غلها مرتفعه يعني بين الجنط والارض يصير ارفع ومن ناحيه التكييف ركب تظليل عازل
›› 11
››   قبل شهر و 2 أسبوع
يعطيك العافيه
››   قبل شهر و 2 أسبوع
انا شريته وبيعته صراحه

مع الحفر انسى موضوع السيارة هذي الحين او اي سيارة جنط كبير مجرد نصيحه
››   قبل شهر و 2 أسبوع
يااخ فهد افالون 19 لاتشاور راحه مثل راحه الامريكي
›› 14
››   قبل شهر و 2 أسبوع
الافلون قالو قيره
››   رابيو
›› 15
››   قبل شهر و 2 أسبوع
انا عاجبتني الجينسس بس شفت كثير يشكون من عطالاتها
››   قبل شهر و أسبوع
ملاك الجنسس اذا غيرت البنزين الى ٩١ تخرج من الضمان ؟
›› 17
››   قبل شهر و أسبوع
والله انها خاشه مخي بس مدري وش وضعها
›› 18
››   قبل شهر و أسبوع
والله فخمه بس ماادري
›› 19
››   قبل شهر و أسبوع
والله انه موتر فخم وماشاء الله جنسس G80 خذ رويال ولا بلاتنيوم اشتر وباذن الله بتدعيلي
››   يوكن2013
›› 20
››   قبل شهر و أسبوع
يافهد الافالون مشاكل القير وقفت عند 2012
كان معي 2011 غيرت لها قير
لاكن الجديد تبارك الله صلاتي على النبي
من 13 وفوق اشهد بالله انه موتر اسال مجرب
››   alabbadi20141
›› 21
››   قبل شهر و أسبوع
خذ واتوكل على انا عندي جينيسس
والله ما شيكت منها في شي
موتر جبار وفخم ومريح
››   أبو عيسئs
›› 22
››   قبل شهر
بس بنزين يكون احمر . بنفس سيارة عادي اقلب اخضر . ولا وش سالف لانه واحد من اللي كتب يقول هل يروح ضمان اذا عبيت بنزين اخضر وليس احمر . ولا مافيه فرق !؟١
››   rayan_vp
›› 23
››   قبل شهر
بالنسبه للي يقارن الافلون بالجنسس ويقول افضل هههههههههههههههههههه ضحكني والله. معاي الجنسس٢٠١٥ والحين لها معي حول ٥ سنوات والله وتالله انه موتر غني عن التعريف. جميع الي ينتقدون ماستخدموه خير شر. لكن في مثل يقول الي مايطول العنب حامضن عنه يقول + حقين تويوتا كلهم يكرهون جنسس وهونداي لانها كسرة سوق تويوتا وقريبا بتكسر سوق اللكزس بعد وتذكرو كلامي (:
››   rayan_vp
›› 24
››   قبل شهر
وقريباً باذن الله ادق فئة الاسبورت
››   rayan_vp
›› 25
››   قبل شهر
وع فكره سيارتي ماشي ٣٠٠ الف وكسور ولاقد غيرة الا زيوت وفرامل ووزن اذرعه هههههههههههههههههههههههه
›› 26
››   قبل شهر
ماشاءالله الله يبارك لك فيها
››   sst09
›› 27
››   قبل شهر
عز الله إنه موتر.

شريت جنسس ٢٠١٥ (رويال فل الفل)، مستعملة وكانت ماشيه ٥٥ ألف.
الصيانة مجانية إلى مية ألف، والضمان ساري إلى ٢٠٢٠

(الصيانة) طبعاً تشييك عام وتغيير زيوت وفحمات،،

(الضمان) ساري على كل شيء باستثناء الحوادث والقطع الاستهلاكية (كفرات، مساحات.. إلى آخره.)

والحين ممشى الموتر تقريباً مية وعشرين ألف وكأنه وكالة.

موتر راسي ومواصفاته خرافية بالنسبة لسعره
Value for money

عيبها الوحيد الكفرات تنسلخ مع الحفر القوية، وتحبّل غالباً عشان الجنط ١٩.. وللأمانة سواقتي سيئة وآكل مطبات.

الخرابات: في كهرباء المرايات الجانبية وغيرتها من الوكالة مجانا.. وفتحة السقف خربت وقالوا تحتاج تشحيم عشان الغبار متراكم وخذوا تقريباً ١٧٠ ريال.

الموتر في التكنولوجيا ينافس أفضل السيارات، وميزة الموتر لما يخرب شي في الكهرب أو الكمبيوتر، يصلحونه الوكالة مجاناً

أنصح بالموتر وبقوة.
››   أبو عيسئs
›› 28
››   قبل شهر
كيف عندك صرفيت البنزين؟
››   alharbilord
›› 29
››   قبل شهر
السلام عليكم.. يا اخوان وش افظل مديل في الجنسس v6 ول v8 واي مديل من ناحيه كل شي صيانه صرفية بنزيم
››   auoan
›› 30
››   قبل شهر
والله العظيم انصحكم فيها معي ٢٠١٧ موتر بكل شي وماشيه الان٢٠٠الف خذ ولاتشاور وفوق ذالك ٥سنوات ضمان
››   faisal atc
›› 31
››   قبل 3 أسبوع و 4 يوم
بعد اذن صاحب الاعلان

عندي جنيسس للبيع ٢٠١٨

اخت الجديد G80

بلاتنيوم

راجعو اعلاني لمزيد من التفاصيل
››   jpdas77
›› 32
››   قبل أسبوع
بس المشكلة الكوري كوري

يجب عليك تسجيل الدخول حتى تتمكن من إضافة رد.