الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» عندي ملاحظة

قبل شهر
آخر تحديث قبل 3 أسبوع
#49586827
عندي ملاحظة
اذا واحد منزل إعلان
يوم أقراء جملة (السيارة مسيومة من رجال شافها وحافها ب ..)
من كلمة حافها اطلع من إعلانة
احس إنه من كيسة
ولا يجيك واحد ويقول إنسامت ب 65000 والي يفرق السوم حلالة
هذا كذاب دولي
يعني بفرق السوم بتبيع .. وإنت هنا بتدفع عمولة الموقع.
طيب ...ملاحظ شيء عجيب .. يعرض سيارة ماشية 150000
بعد فترة بسيطة تلاقية عارض نفس السيارة وماشية 40000
شيء عجيب تدليس وغش
حفاظآ لوقتكم اعضاء حراج
اذا ذكر جميع مواصفات السيارة وماذكر حالة البدي اعرف ان البدي تعبان
اذا ذكر جميع مواصفات السيارة وماذكر ممشى السيارة اعرف انها ماشية كثير
اذا ذكر الممشى وذكر حالة البدي ولم يذكر اي فئة السيارة أعرف على طول بدون تردد إنها ستاندرد

الله يقدرني على فعل الخير..
اذا نزل اعلان وقال انا مجرد معلن ..حاول انك ماتسوم ولا تسئل روح شوف غيرها حفاظآ لوقتك
والثاني الي جايب صورة ويقول اعتذر من صاحب الصورة . هذا نفسية خايف على سيارتة من العين فلا ينصح بالتعامل معاه
اي سيارة من الموديلات الحديثة اذا بتشتريها شوف سعرها بالوكالة كام .. بعض الآحيان متهوريين يبيعون في حدود سعرها جديدة
ما أدري ايش الهدف من جملة الاستبنة ماطبت الأرض
ولا أدري ايش الهدف من جملة البدي وكالة وكالة ماعداء رفرف يمين امامي وصدام خلفي مغيير وحزام يسار مرشوش وطقة في الاسطب .. ايش باقي اخوي التندة
نصيحة محب لاتحول ابدا .. اشتر يد بيد .
لاتثق في آي شخص افحص الموتر وتأكد من سلامتة.
وفقكم الله

عندي ملاحظة
وسيلة الإتصال :
الخاص

يوجد عضو ينصح بالتعامل.

16

›› 35
››   قبل شهر
واللي يكتبون مخزن ماشي ٢٠٠ الف ومسمكر ويقول مخزن .والا مبيعات حكوميه .
سياره لو بتصلح فيها المخزنه ذي على قوله تجاوزت ال5 ,,6 آلآف.
››   سالم218
›› 36
››   قبل شهر
انا استريت كامري ٢٠٠٨ ماشيه ٢٥٠الف بعده بكم شهر استفسرت عن طريق تطبيق موجز طلع الممشى فوق ال٤٠٠
››   أبوسلطان 7
›› 37
››   قبل شهر
احذروا من سالفة والله شاريه من دكتور بالجامعه
اومهندس بشركه ...هذي من الحيل الجديده
››   crown_vic_p_s
›› 38
››   قبل شهر
للبيع كابرس ٢٠١٦ فل كامل نظيف المكينه كضروبه والقير كضروب وتم رش الجنب الايمن كامل مع الحزام وبرضه تم رش الرفرفين الاماميه مع الكبوت؛ السياره نظيفه استعمال شايب البيت المسجد بس
››   aodah-1
›› 39
››   قبل شهر
بعد اذنك
يوجد مهله من شهر الى شهرين للموظفين والموظفات الحكومي (تجاوز ازمتك المالية وبدون كفيل)
من 1000-3000
0538363736"وتس اب"
››   قبل شهر
ولاتنسى استخدام الوالد مهي مرهمه ومسجل شاشه وتجاليد وحركات
ولا حلال ورثه ويعرضها ماغسلها
يعني شي غير معقول
او شاري الموتر من رجال اعرفه
››   ابوفارس6030
›› 41
››   قبل شهر
البدي وكاله ماعدا الجنوب الثنين والتنده
رش تجميلي ههههههه
››   alsoodi2015
›› 42
››   قبل شهر
اشكرك، بصراحة واضح الخبرة في موقع حراج. تستاهل يحطونك مشرف.
››   اابو دانة
›› 43
››   قبل شهر
كلامك جميل الله يسعدك وتنبيهات مهمه فعلا هاذا الي حاصل في الموقع الا من رحم ربي
››   ابواربد
›› 44
››   قبل شهر
ولاتنسى كلمه سياره فل ماعدا الفتحه هذي كلمه الشريطيه دايم لو هي ستاندر بطيس قدام عيونك وتسوي نفسه ماتدري رح يقول لك فل الفل مدري وشو فل الفل هذا
››   قبل شهر
‏والله كلام صحيح والله يجزاك خير على ما تكلمت به
››   ريمونت
›› 46
››   قبل شهر
والله انا استفدت كثييير من ردودكم
خاصة من رد رقم 40
فعلا موضوع سيارة ورثة قد مر علي كثير
والسيارة مغبرة
››   crown_vic_p_s
›› 47
››   قبل شهر
والي يقول السياره ماجاها خرم ابره وهو مغير الوجهيه مع الشاصي هههههههههههه
›› 48
››   قبل شهر
والي يسئلك عن السوم تقول 40 ويسوم 35 هل يجوز قتله ؟؟
›› 49
››   قبل شهر
افعل ولا حرج جايز ان شاءالله هذا حلال
››   alrhila
›› 50
››   قبل شهر
كلام في الصميم ليش اسم الموقع حراج اسم على مسمى
واحد يبغي يبعني سيارته غصب مايفرق سعرها السياره عن الجديد بس الفين ريال وهو ماشي على سيارته حدود 41 الف كيلو
سلامات اخوي الفين او ثلاثة الاف فرق بينها وبين الجديد
››   سقراااط
›› 51
››   قبل شهر
عافاك والشرّ ماجاك .. قلت اللي يحوف بصدري منذو مبطي
››   xxqo2zz
›› 52
››   قبل شهر
اتفق معك، صار لي موقف قبل شهرين على سياره مخزنه على كلامه ماشيه ٢٦ الف بس و كان السعر بالحيل مغري البدي وكاله ما غير طقات، يوم جيت المعارض الا الشمعات باهته صفرا من كثر المشي و الكفرات متقطعه تالفات و الاستماره فايته ٩ سنين ولا عمره فحص السياره، خذيت السياره ووديته للفحص و اكتشفت ان الرمانه خربانه و ما تخرب الرمانه الا بحادث على الجنب ولا ماشي اكثر من ٢٥٠ الف، و راعي السياره رايح للبر وبرا الشبكه عشان يخليني اصمل عليها ولا اكلمه ف استخرت و قلت ماني شاريها
››   احمد13o
›› 53
››   قبل شهر
ركزلي على استخدام الوالد و لا استخدام شايب هنا تحس انها لقطة مرره و هي مافيه جنب مافيه حكات
››   ريمونت
›› 54
››   قبل شهر
الحمدلله الجمييع واعي للحركات ذي.


ليتهم يعلمون إننا نعلم.
››   ريمونت
›› 55
››   قبل شهر
والله فييه ناس شكلي أوجعتهم

سارت علي بلاغات في الموقع
›› 56
››   قبل شهر
يعطيك العافيه بصراحه اجمل منشور مر على منذ اشتراكي بالموقع
ياليت تحط ملاحظات على باقي المنشورات
مثل الي يحط قلم ابو ريال يبي يحرج عليه او دجاجه الخ خ
››   ريمونت
›› 57
››   قبل شهر
الله يعافيكم جميعآ
››   aboayish11
›› 58
››   قبل شهر
نعم والله انك خسفت بهم الارض عساك للقوه انت وامثالك الناصحين
››   3e-1419
›› 59
››   قبل 4 أسبوع و يوم
الله المستعان يفكرون بالربح الدنيوي والفلوس ونسى انه يراقبه واحد ما يخفى عليه خافيه ونسى القبر وضمته عشان الف ولا ألفين لا تنسون الي يبيع ويحلف ان البدي سليم وبطن الموتر تالف ولا يبين معك الا بالخبره وتعرف ان القطعه مفكوكه ومركب بدالها شي ثاني وملفق ويغسل ولا يلمع بماف ويجي ينصب على خلق الله ؛ أنا أقول خافوا الله وتروها دنيا بلحظه فارقتها ولا بينفعك الا عملك . . آسف على الاطاله ووفقنا الله وياكم
›› 60
››   قبل 4 أسبوع و يوم
جزاك الله خير
واللي يغث اللي يكذب بالعنوان
مثلا يكتب للبيع كامري
تدخل تلقاه كاتب مطلوب كامري موديل١٧
هذا ادعي عليه واطلع من اعلانه
››   ابن موحي
›› 61
››   قبل 4 أسبوع و يوم
جزاك الله خير
››   ريمونت
›› 62
››   قبل 4 أسبوع و يوم
ههههههه
فعلا كلامك ياعلي
›› 63
››   قبل 3 أسبوع و 6 يوم
اعرف ٣ بمعارض بالشفا عندهم ١١ حساب ينزلون اعلانات لسيارات معارض يشتغلون فيها ويصورون سياراتهم خارج المعارض عند بيوت ناس او بوسط الشوارع ع اساس مب سيارات معرض وكل واحد ينزل سيارة والثلاث اشخاص هذول يلي ب ١١ حساب يدخلون ويزاودون ويعززون لبعض وهالشي صار شوف عيني
››   ريمونت
›› 64
››   قبل 3 أسبوع و 5 يوم
عشان كذا
انا أسوم بالسعر الي أشوفة يناسب السيارة
ولا أسوم سيارة إلا وأنا عارف قيمتها

اغلب السومات كذب بحراج

ويطيرونها ع الفاضي

يجب عليك تسجيل الدخول حتى تتمكن من إضافة رد.