الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» راعي كابرس تفضل

قبل 2 شهر و أسبوع
#50575753
لاهل الخبره كيف الكابرس يطلب قطع وخرابات ولا؟؟
ابي كابرس من 2007 ونت طالع يكون ممشاه اقل من 200الف للمستخدم
حدودي حول ال11 ، 10 ، 13
اهم شي نظيف
ومشروط من الحراره
راعي كابرس تفضل
راعي كابرس تفضل
راعي كابرس تفضل
هذا الإعلان قديم وتم إزالة رقم الجوال
بالامكان مراسلة المعلن عبر الرسائل الخاصة.
  شيفروليه

  كابريس

  كابريس 2011



إحذر من التعامل غير المباشر.
إستخدم القائمة السوداء قبل أي عملية تحويل
›› 2
››   قبل 2 شهر و أسبوع
٧ ينفع؟؟
››   smaiile
›› 3
››   قبل 2 شهر و أسبوع
خذلك كابرس من ١١ وانت طالع وانسى الحراره والخرابات
›› 4
››   قبل 2 شهر و أسبوع
١٠ كويس ؟؟ و ١١ بكم احصله
››   smaiile
›› 5
››   قبل 2 شهر و أسبوع
٢٠١٠ قيره ٤ نمر ومافيه مبرد قير وبيبهذلك انا معي ٢٠١٣ والحين ماشي ٢٢٠ الف ولا اشتكيت منه والله بشي
››   الباشا95
›› 6
››   قبل 2 شهر و أسبوع
١١ وطالع تلاقيه من ال٢٠ وانت طالع ع حسب النظافه
›› 7
››   قبل 2 شهر و أسبوع
بيبهذلني شلون لان م قد جربته والله
››   ziad889
›› 8
››   قبل 2 شهر و أسبوع
ابعد عن الكابرس ويرزقك الله
››   الباشا95
›› 9
››   قبل 2 شهر و أسبوع
٢٠١٠ ونازل القير اربع نمر ترتفع حرارته دايم وفيه مشاكل كثير بيتعبك
››   الباشا95
›› 10
››   قبل 2 شهر و أسبوع
٢٠١١ و طالع مافيه الا العافيه وموتر شيخ توكل والله يسهلك
››   om99om
›› 11
››   قبل 2 شهر و أسبوع
موتر غير عملي صمم لزيارة الورش والسلام عليها بشكل شهري
›› 12
››   قبل 2 شهر و أسبوع
٢٠٠٧ استخدمته سنتين وللآن معي ماغيرت فيه الا دينمو وبطاريه
اهم شي الموتر اللي بتاخذه يكون نظيف قير + مكينه + كهرباء
و تحافظ عليه و تغير زيوته اول بأول
تشييك مستمر ( الزيت ، الماء )

القير اذا الطريق زحمه و مطفي المكيف يسخن معك
واذا شغال المكيف حرارته طبيعيه
الحل تركب مبرد وأمورك طيبه

واللي يقولك عن موديل ٢٠٠٧ انحش خرابات
ولا تاخذ الا موديل ٢٠١١ وطالع هذا ينقل كلام غيره ولا جرب
الميزه بموديل ٢٠١١ وطالع ضافوا فيه مبرد قير وصار ٦ نمر
لكن توضيبه مكلف فرق عن الـ ٤ نمر

حبيت افيدك والله يكتب لك الخير ..
››   acood
›› 13
››   قبل 2 شهر و أسبوع
من خبره قديمه بالكابرس
اذا بتستخدمه في البلد مايصلح لك ابد ابد لان حرارته عاليه ويخرب نفسه بنفسه بلهب


اذا بتشتري الكابرس وقفه وعرضه للخط وصفق الرياح واذا وصلت وقفه عند الباب لسفره ثانيه غير كذا لاتشتري
››   by.almasoudi
›› 14
››   قبل 2 شهر و أسبوع
اذا انت رجال محافظ ولا انت راعي تدعيس خذه ولكن استخير وانشاء الله ربي الخيره
››   مساعد-8888
›› 15
››   قبل 2 شهر و أسبوع
الباشا95من قال 2010 مايجي 6 نمر.
››   الباشا95
›› 16
››   قبل 2 شهر و أسبوع
الرويال والاس اس من ٢٠٠٩ تجي ٦ نمر باقي الفئات ٤
››   مساعد-8888
›› 17
››   قبل 2 شهر و أسبوع
ياسلام عليك الحين
››   0552805535
›› 18
››   قبل 2 شهر و أسبوع
صل ع النبي لاتنزل من ٢٠١١ خلك طالع فوق خذ من ١١ فوق يجيك قير ٦ نمر وانسى يخرب
››   مساعد-8888
›› 19
››   قبل 2 شهر و أسبوع
من يخبر لي ضفيرة مكينه القير 6 نمر
››   yys56
›› 20
››   قبل 2 شهر و أسبوع
نصيح ابعد اقسم بالله ثم اقسم بالله اني اشريت ٣ كوابرس موديلات تختلف من ٧ وفوق وكل م شريت واحد فحصته شامل ولا يطلع فيه شي ويجلس معي فتره بسيطه ثم ابيعه تشليح من كثر خرباته السياره هاذي منفوسسه تشتريها من هنا تجيك فيها عين من هنا يعني اذا سلمت من العين منت سالم الخربات
››   by.almasoudi
›› 21
››   قبل 2 شهر و أسبوع
ي رجل انا استخدمت 3 كوابرس واحد رويال 2009 مشى معي 480 الف ولا اشتكى من شي ولله الحمد والثاني 13 اس اس مشى معي 300 الف ما شاء الله من الوكاله ولا اشتكيت منه بفضل الله
اللي غيرته فيهم مقصات وشيال عمود وهذا شي طبيعي بأي موتر
.......
والناس الي تشتكي من الكابرس ذولا حقين مقاومات واذا انت رجال هاوي ومحافظ خذ اصفار ان حصلت او ممشى قليل ونصيحه ركب مبرد 40 الف وحده كبس ليات وامورك باذن الله ف السليم
›› 22
››   قبل 2 شهر و أسبوع
طبعا اي سياره في العالم بتستخدمها استخدام محافظ ما راح تطلب منك شيء ولا تخرب هذا الشيء حطه ببالك ومن ناحيه الكابرس تنطبق عليه نفس القاعده اللي قلت لك عليها هذا اول شيء
ثانيا السياره من ٢٠١١ وطالع زي ماتفضلوا الاخوان جت بمبردين وهذا الشيء اللي حل معضلة الحرارة في الموديلات اللي قبلها واللي كانوا يشتكون منها اصحاب الكوابرس كإستخدام شخصي عندي ٢٠١٢ مطلعه على يدي من الوكالة سيارة جبارة من كل النواحي راحة في الخط طرب في الخط غير كذا سيارة تناسب المدينة وعموما لاتشتريه الا من شخص تثق فيه وفي استخدامه ولو شركة شفروليه نوت تنزل ٢٠٢٠ او ٢٠٢١ انا من أول المشترين له ومعذرة على الاطالة
›› 23
››   قبل 2 شهر و أسبوع
السلام عليكم
ي رجال توكل على الله وخذلك من ٢٠١١ وفوق مثل ما تفضلو الاخوان ال ٢٠٠٧ تجي ٦ سلندر انا ما جربت ال ٢٠٠٧ او با الاصح ال ٦ سلندر ما جربته ولا حبيته صراحهه لكن ال ٦ سلندر يجي اخف وزن من ال ٨ سلندر ... خذلك ٢٠١١ وطالع واذا لقيت ٢٠١٣ نظيف يا سلااااااام وال ٨ سلندر مثل ما ذكر اخونا فعلاً اذا كان الجو حار وف زحمه الموتر يولع من الحراره رجلك ما تقدر تخليها دقيقه برا ياكلك بحرارته لان المراوح سرعتها عاليه جداً عشان كذا يطلع هواء حار لدرجة انك تشك ان الحراره مرتفه لكن اطالع ف عداد الحراره تشوفه طبيعي انا كان معي ٢٠١٣ صراحه خدم معي ٤ سنوات ما شكيت الا من حاجه وحده ففط الكمبرسل اذا خرب خلاص ترميه على طول ما يتصلح ف شريت كمبرسل وغسلت الثلاجه وشريت اديتر مكيف عشان ما يضرب الحساس مره ثانيه لكن الي ركب الكمبرسل ما ضبط الاسلاك حقت الكمبرسل انكسرت الكبسولات وصارت الاسلاك نازله قريبه من القزوز احترقت علي تقريبا جزء بسيط من الضفيره وغيرتها والحمدالله مشت الامور هذي من المشاكل الي حصلت لي
والشي الاهم نصيحه اذا اخذت كابرس من ١١ وفوق وجاء وقت تغير الزيت حاول انك ما تغير الزيت والموتر حار حاول بقدر الامكان لان احياناً بسبب الحراره تقفل طرمبة الزيت حقت المكينه والله يوفقك
›› 24
››   قبل 2 شهر و أسبوع
شيك ع اعلاني
››   abomalak1
›› 25
››   قبل 2 شهر
اذا تبي شور اخوك انننننننننحش

شريت كابرس وكالة ل تي زد ٢٠١٣ و هي على الضمان ما سلمت من خراباتها و زيارة الوكالة كل ٤ شهور. و جلست معي سنة بعد ما خلص الضمان خسرت عليها فيها ٩ آلاف ريال. اسواء موتر مري علي و مستحيل افكر اشتري شفر خير شر من بعدها. الهجة وانا اخوك
››   الشهري بن
›› 26
››   قبل شهر و 3 أسبوع
مثل ماقالو الاخوان الله يعطيكم العافيه خذ كابرس من ١١ وفوق والله معي واحد موديله ٢٠١١ استخدام اقل من سنتين اني اسافر عليه رحت الرياض عليه اكثر من مره وتبوك ولا خليت مكان رغم ان فيها مساعدات وكرسي مكينه خربانه له اكثر من سنه ولا غيرتها حتى الحين . بس اهمشي النضافه القير المكينه ومحركات .
››   الشهري بن
›› 27
››   قبل شهر و 3 أسبوع
وتراه للبيع
›› 28
››   قبل شهر و 3 أسبوع
وش السبب وبكم
››   اسماعي
›› 29
››   قبل شهر
كابرس القير حقه اربع نمر نصيحه ابعد عنه وبالذات ٢٠٠٧
ي وجال كان معي واحد عذبني قسم بالله كل ٣ او اربع شهور قير ضرب

واخذت ٢٠١١ والحمدالله ارتحت
›› 30
››   قبل أسبوع و 6 يوم
تركيب المبرد فين وكيف
وفين احصله
›› 31
››   قبل 20 ساعه و 51 دقيقه
الكابرس ب الخط العريض تلعن والدينه لعب فيك وتزر عليه دايم بس فضاوه بيشغلك ، اما تحافظ عليه واذا مشى مع الشارع راسي ومستكن عليه عزالله في يوم ب تحتاجه بيستجيب معك علطول ، والي يلعن والديه بيجي يوم يحتاجه مهب مستجيب معه واغلب حقين الكوابرس بيفهم شقاعد اقول وانتهى

يجب عليك تسجيل الدخول حتى تتمكن من إضافة رد.