الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» موضوع مهم لاهل الخبراء في الكابريس

قبل 3 أسبوع و 5 يوم
#50786978
‏السلام عليكم كيف حالكم شباب عندي موضوع بالنسبة لل كابرس أس أس صابونة موديل 96 كيف السيارة؟ سلبياتها و إيجابياتها ؟ و هل السيارة قوية و تتحمل و الي عنده نصيحة لا يبخل علينا و سلامتكم
موضوع مهم لاهل الخبراء في الكابريس
وسيلة الإتصال :
000

  شيفروليه

  كابريس

  كابريس 1996



إحذر من التعامل غير المباشر.
إستخدم القائمة السوداء قبل أي عملية تحويل
››   ابو صالح الخالدي.   جديد   محظور
›› 1
››   قبل 3 أسبوع و 5 يوم
صرفية بنزين .. خرباات

افضل موديلات من 91 الى 93

››   abod2300
›› 2
››   قبل 3 أسبوع و 5 يوم
اذا كانت نظيفه والكهرب سليم فيها خذها ولا تشاور
››   mossssa
›› 3
››   قبل 3 أسبوع و 5 يوم
افضل كابرس من تجربه
بس الكهرب بدون توليف تتعبك لو كهرب تعبان
راحه وعزم وعزل
››   mr.sleep
›› 4
››   قبل 3 أسبوع و 5 يوم
خذه اذ نظيف وتوكل على الله بس ترا
ال٩٦ مايتحمل المويه عشان الديلكو حقه تحت مو زي ٩٣ وقبل
علمتك المعلومه ذي لان الامطار باذن الله جايه
››   abod2300
›› 5
››   قبل 3 أسبوع و 5 يوم
اذا جلده الفيش موجوده حقت الديلكو وسليمه ادخل اي مكان حتي لوفيه مويه ماتجي الديلكو جوه عن تجربه سنوات في الكوابرس الصابونه ٩٦ و ٩٥ و٩٤
››   wail.alanzi
›› 6
››   قبل 3 أسبوع و 5 يوم
كوابرس سو سكيب لهم خير ٩٠ لا تدور و الفورد افضل اذا تبي موتر يتحمل
››   mr.sleep
›› 7
››   قبل 3 أسبوع و 5 يوم
والله مايتقارن فورد بالكابرس لا قوة ولاعزم ولا رساوة ولاشكل
››   abod2300
›› 8
››   قبل 3 أسبوع و 5 يوم
صدق اللي قال
اذا اردت السفر اركب الشفر
››   mr nice guy
›› 9
››   قبل 3 أسبوع و 5 يوم
السياره عمرها ٢٤ سنه اكيد ماهي للكرف والتحمل اللحين يتملكها الي يعتني فيها ويستمتع
››   mnam1234
›› 10
››   قبل 3 أسبوع و 4 يوم
اسال مجرب انصحك تاخذة اذا كان نظيف
ملاحظة اذا كان فل كامل العداد يجيك اكتروني فك عمرك لا تاخذة حتى لو كان نظيف خراباتة كثيرة وراح تبلش فيه تصليحات
لكن اذا العادي يجيك العداد انبير ونظيف انصحك تاخذة تراه وحش و يبي له طار وترى ممتاز بالمدينة وبالاخص السفر موتر لا يعلى عليه
واي استفسار انا جاهز راسلني عالخاص
›› 11
››   قبل 3 أسبوع و 4 يوم
السيارة اذا كانت نظيفة خذها وتوكل على الله مكاين ال lt1افضل مكينة نزلت في جي ام قوة واقتصاد بس عيبها الوحيده الحرارة تحتاج مرواح قوية مراوح بلدها ضعيفة غير ذلك مافيها عيوب ميزتها سيارة عائلية بمميزات رياضية في الخط افضل من الالماني اما الصابونة ال 93 عزمها تعبان ولكن تتحمل الكرف
›› 12
››   قبل 3 أسبوع و 4 يوم
من اروع السيارات اللي اخترعتها شيفروليه...لاتسمع اللي يقلك قديم وراح مديله...شوف وقفته وشوف وقفت السيارات الكرتون الجديدة....بنسبة للخرارة انا عندي كابرس96 وشريت لها مراوح حق كابرس 2006وولفتهم عليها بدون قص او تعديل فقط طريقة التثبيت تغيرت وماشاء الله في عز الصيف مكيف ثلاجة وحرارة ماتتعدا الربع...واهم ملاحظة بلف الحرارة لازم يكون راكب واصلي
››   ll caprice ll
›› 13
››   قبل 3 أسبوع و 4 يوم
الله يعطيكم العافية ما قصرتم
››   zezonza
›› 14
››   قبل 3 أسبوع و 2 يوم
سقت سيارات كثير من فضل ربي .. وكان عندي اس اس ٩٥ والله والله اني تندمت لاني بعته يااخي طرب بالخط وراحه ماشاء الله ماهو زي السيارات الثانيه والان مقبل عن قريب إن شاء الله اخذ لي ٩٦ ...
انت ركز ع الحرارة تولف لها مراوح دفع قوي وتركب بلف اصلي ويكون الراديتر نظيف ولاتعبيه مويه عاديه وعيششش
››   mnam1234
›› 15
››   قبل 3 أسبوع و 2 يوم
ملاحظة الراديتر لا تاخذ العادي خذ راديتر دبل
››   h10.b
›› 16
››   قبل 3 أسبوع و يوم
الموتر بختصار شديد كفو م بعته الا على ممشا مليون وشوي سنه 2006 وقدر الله ماشاء فعل.
››   brock lesnar 3
›› 17
››   قبل 3 أسبوع
يارجال اتركك من ذا الكذابين.... انا من عشاق الشفر

خصوصا الاس اس ال 96 واستخدمته.. وهو اخر موديلات كابريس من حيث المتانه و الاستخدام..

بعدها تعمدة شركة جنرال موتورز بإخلال في تصنيع خصوصا الكابريس بكثرة عطلاته..لتفادي خسايرها.. عن طريق استهلاك السياره بكثرة عطالاتها خصوصا مكينه و قير لااجل انتعاش الشركه من حيث شراء المستهلك. قطع لتصليح سيارته...وهذا لم نكن نعتاده في موديلات 96 وتحت....


اما بخصوص استخدامك للكابريس 96 في الوقت الحالي... اعتقد تحتاج لجميع ارقام السطحات في قائمة جوالك للتعامل معهم في تحميل تلك الاسطوره التسعينيه لاانتهاء عمرها الافتراضي


خصوصا هذي الموديلات الاس اس بالذات وكما هو معترف به انه حق قومات. وتحدي وووو


تحياتي
›› 18
››   قبل 3 أسبوع
موتر ممتاز يعيبه الصرفية وانا اشوف انها تختلف حسب نظافه الموتر والاستخدام الموتر مكدة لك وللزمن ركب له قطع اصلية وامورك تمام عندي مثله م فيه حرارة ولله الحمد ؛الموتر صار نادر وماينفع الا للهاوي الي يحافظ عليه تحياتي
››   bander1
›› 19
››   قبل 3 أسبوع
باختصار خذ نظيف انا اخذت موترين زيتي واسود 96 اس اس الاول 8سنوات والثاني 6سنوات تزويد وسرعه ومشاوير وكرف وحبيت سواقتها ولو الاقي نظيف مخزن خفيف ونظيف من الداخل مااتردد اشتريه حتى الحراره ماسار الارتفاع الا على اخر سنه من الاستخدام كل السيارتين حتى القطع رخيصه والبنزين الصرفيه اقل مو مثل الاسترالي
››   saaade
›› 20
››   قبل 2 أسبوع و 5 يوم

موجود كابرس اس اس قير ارضى
مكينه قير دفرنس شرط
التواصل خاص لباقي المعلومات
››   abd alrahim
›› 21
››   قبل 5 يوم و 18 ساعه
اذا بتاخذ لك واحد دور للنظيف واول شي تسويه مبرد قير مبرد قير مبرد قير واذا تبيع يعيش معك عمر طويل ابعد عن الدعسه الثانيه لانها هي اكبر مصيبه للمكينه وللقير وباقي الاشياء امرها بسيط كالعظلات والبدي تعتمد على محافظتك للموتر واسال مجرب ولا تسأل طبيب معي واحد من عام 96 على يد الوالد والحين هو معي تبارك الله عليه بعمري شد بلد ما عدا الاشياء الاستهلاكيه كالمساعدات والجلد والاقمشه والجوزات ورمانات للحفاظ على طوله عمره وسلامتك واترك عنك اللي يسبون المحافظه تختلف من شخص لاخر

يجب عليك تسجيل الدخول حتى تتمكن من إضافة رد.