حراج السيارات | نتعة قير سوناتا 2017

» نتعة قير سوناتا 2017

قبل شهر

#51912876

← التالي

سلام عليكم يا شباب
بالله يا شباب اللي مرت عليه المشكله هذي او احد يعرف حلها يفيدني..
عندي سوناتا 2017 فيها نتعه من التغيير الأول الى الثاني اذا السياره بارده او وقفت اكثر من ساعه وترجع طبيعي؟
زيت الجربكس غيرته في الوكاله وهي ماشيه 70 الف وقبل كان عليها استدعاء ورحت وصلحوا خلل الاستدعاء
نتعة قير سوناتا 2017

وسيلة الإتصال :
الموقع

← التالي

سوناتا

سوناتا 2017

هونداي

إحذر من التعامل غير المباشر.
إستخدم القائمة السوداء قبل أي عملية تحويل

›› abode322

›› 27

›› قبل شهر

يمكن فلتر قير اذا ما خاب ظني

›› ابو حلا 2015

›› 28

›› قبل شهر

افصل اصبع البطارية مدة خمس دقايق

›› ابو حلا 2015

›› 29

›› قبل شهر

اصبع الماس

›› شغلك لا يختلف

›› 30

›› قبل شهر

تحتاج برمجه فقط شغلتها بسيطة روح الوكالة البرمجة مجانا

›› ahmad 0z

›› 31

›› قبل شهر

ويمكن حساس صارت معي وما ادري عن موترك مثلي او لا

›› mos333

›› 32

›› قبل شهر

عزيزي النتعة تطلع، من عدة اسباب كراسي المكينة وخاصة كرسي الكير الي ع جنب اليسار تحت البطارية
وتطلع بعد من الاتوماتيك الي الموجود في ضهر الكير هو المسؤول عن نقل الغيار لانو الكتروني
وتطلع معك اذا غيرت زيت الكير ولاغبرت الفلتر بعد ممشى 100الف
والله يعينك

›› tarky78

›› 33

›› قبل شهر

شوف الفيوز يمكن محروق

›› فيصل 0077

›› 34

›› قبل شهر

يا جماعة هذي النتعه بهذلتني في سيارتي وبهذات الوكالة المجدوعي كل شوي رايح جاي عليهم وعجزو يعرفون السبب
اول شي قالو نغير زيت القير مع الفلتر وتروح غيرناه راحت اسبوع ورجعت لكن خفيفة
ثاني شي قالو بتغير حساس القير غيروه وراحت ثلاث ايام ورجعت لكن خفيفة
ثالث شي قالو بنغير لك الظفيرة لان النتعه سببها مشكلة كهرباء في القير وليس ميكانيكا غيرو الظفيرة كاملة ولا تغير شي نهائي قالو هذي مشكلة في التصنيع لازم نخاطب كوريا

›› sami..algarni

›› 35

›› قبل شهر

الكوري معاد ينفع اكسسوارات وفخامه ماتعدي السنه الا وهي مخبطه كانت لي تجربه مع هونداي للاسف كانت فاشله ولاعاد اعيدها تويوتا قسم بالله تعزك وتنسيك الخرابات والورش

›› ro123

›› 36

›› قبل شهر

ياعزيزي يبغالك ورشه تمام المشكله عندك حساسات القير اللي داخل صارت مع خويي معه سوناتا ١٧ راح الوكاله قاله مخ قير ورجع الورشه وغيرله حساسين داخل القير كلفته ٧٠٠ ريال وفقك الله

›› يالله رضاكـ والجنه

›› 37

›› قبل شهر

ما قصرتم جزاكم الله خير
كشفت في ورش كثير اللي يقول
فلتر زيت وواحد يقول طرمبة الزيت ضعيفه واللي يقول حساسات وفحص كمبيوتر ما طلع فيها شي.

›› الكابتن مناا

›› 38

›› قبل شهر

موضوعك بسيط جدا برمجه او اعاده ضبط للقير وتروح مشكله

›› bassam.90

›› 39

›› قبل شهر

نتعة القير مشهوره بسوناتا انا داخل بقروب عالواتساب فيه بحدود المية شخص كلها نفس المشكلة في ناس ضبطت معاهم برمجة الوكالة وفي ناس تضبط كم يوم وترجع
الافضل خليها على حالها تتعود عليها
انا معاي سوناتا نفس المشكلة وعجزت عنها وتركتها خلاص اذا بيخبط القير بغيرها

›› يالله رضاكـ والجنه

›› 40

›› قبل شهر

السلام عليكم ورحمة الله وبركاته
زرت فرع هونداي الصيانه السريعه وغيرت زيت مكينه وكلمت الفني عن المشكله وقالي بسوي لها إعادة ضبط بالكمبيوتر لكل شي ( حساسات + نظام ECO + وكل شي) و طلعت من عنده تمام والمشكله خفت كثيييير وقال جرب لمدة أسبوع اذا رجعت المشكله او ما راحت لازم تراجع الشركة الفرع الاساسي
وشكراً للجميع ماقصرتم

›› محمد ناصر 4009

›› 41

›› قبل شهر

اذا مشكلتك وانت بتمسك فرامل وبتهدي وتجي نتعه هذي صايره معي وسويت لها برمجه من الوكيل وراحت الحمدلله مع العلم اني سويت البرمجه مرتين الثانيه بعدها معد رجعت المشكله

›› يالله رضاكـ والجنه

›› 42

›› قبل شهر

للأسف ياشباب رجع المشكله نفس ما كانت ورحت للشركة فرع الصيانه وطلع عليها استدعاء عشان فيش المروحه وغيروه وشيكوا على النتعه قالوا هذي من ( البدي بلف) مثل ما قال الاخ في الرد 15
والتكلفة
زيت + القطعه 5300 قبل الخصم وعندهم خصم 50%
و شغل اليد 1650 طلع الإجمالي 4370 ريال.
بتركها وعلى الله
حبيت افيدكم بالأسعار والخلل
تحياتي للجميع

›› yr-32

›› 43

›› قبل 4 أسبوع و يوم

انا سيارتي سوناتا وغيرت زيت القير وسافرت عليها ابها والباحه بعد مده اكثر من ٧ اشهر كنت نازل من طريق الهدا فجاه السياره نتفت بين ٣ و٢ بعدين اختفت وبعد شهر او اكثر تقريباً مسكت فرامل فجاه ونفس الشي نتفت بين ٣و٢ وتختفي اخر مره نتفت قبل فتره والحمدلله ماعاد نتفت عندي يمكن لها اكثر من ثلاث اسابيع

›› bassam.90

›› 44

›› قبل 4 أسبوع

اليوم غيرت البوجي ولاحظت بأنه النتعة اختفت من سيارتي ماادري عسى بتختفي دائم

›› ابو العز.... 12

›› 45

›› قبل 4 أسبوع

مشكلتك قد مره عليا وحذا حساس في الجير او الظفيره حق الجير اكيد ما يكلف زياده ب الكثير ٥٠٠ ريال واذا انت في الرياض كلمني بوديك واحد معلم ومضمون باذن لله 0550009114

›› يالله رضاكـ والجنه

›› 46

›› قبل 4 أسبوع

مشكو ابو العز لكن للأسف انا ماني في الرياض

›› thawab503

›› 47

›› قبل 3 أسبوع و 3 يوم

هذه الطنجره ( البطيخه ) على مااظن قيمتها مع الشغل 1800 ريال بس الرجال اللي غيرها وارد عليك

›› thawab503

›› 48

›› قبل 3 أسبوع و 3 يوم

بس تأكد بالاول من البواجي والكويلات

›› falaf

›› 49

›› قبل 3 أسبوع و 2 يوم

طيب يارجال انا نفسه بس كدنزا ١٧ نتعه ماشي فوق١٠٠ الف بعضهم يقول الزيت وكذا اللي عنده خبره يفيدني

›› mohamad nnnn

›› 50

›› قبل 2 أسبوع و 6 يوم

عندي نتعه في القير بعد ما غيرت زيت القير افيدونا بالحل الي عنده حل الله يجزاكم خير

›› يالله رضاكـ والجنه

›› 51

›› قبل 2 أسبوع و 6 يوم

ترى بعد تغيير الزيت يسوي برمجة للجربكس قبل تستلم السياره..
لكن عل غيرته في الوكاله او برى

›› mohamad nnnn

›› 52

›› قبل 2 أسبوع و 5 يوم

غيرته في الوكاله بس عيال كلب قالو لي ما نضمن القير. لو صار فيه شي حنا نضمن زيت وشغل يد بس.

›› يالله رضاكـ والجنه

›› 53

›› قبل 2 أسبوع و 5 يوم

يارجال والله ان هونداي فاشله في جودة المحركات
كنا نستهبل على تويوتا انها ماخذه سمعه بالفاضي بس للأسف طلعت والله انها سيارات تستاهل

›› aboodi0599

›› 54

›› قبل 2 أسبوع و 5 يوم

انا معاية كيا اوبتيما ٢٠١٥ كانت النتعه معي وغيرت زيت وسويت برمجة ولا فادت المشكلة تظهر اذا عشق القير اول تعشيقه تجي نتعه بعد كذا تختفي معد تجي وكل شي يكون تمام..
بس تجي مررة وحدة النتعه

›› abusaud86

›› 55

›› قبل 4 يوم و 17 ساعه

سوال لكم يا اهل السوناتا وش رايكم بالسياره كيف من ناحية القطع واستهلاك البنزين وهل عمليه ولا حساسه عطوني رايكم وشكرا

›› mohamad nnnn

›› 56

›› قبل 3 يوم و 8 ساعه

النصيحه فك نفسك ابو كلب ماخذها اصفار والحين عندي نتعه في القير

يجب عليك تسجيل الدخول حتى تتمكن من إضافة رد.